सेतो खबर
कास्की। कास्की क्षेत्र नं. २ बाट स्वतन्त्र उम्मेदवारी दिएका जेन–जी पुस्ताका युवा नेता निर्दोष विक्रम पौडेलले मुलुकमा व्याप्त अन्याय, भ्रष्टाचार र युवामाथिको शोषणको हिसाब चुनावमार्फत गर्ने स्पष्ट घोषणा गरेका छन्।
२६ जना स्वतन्त्र उम्मेदवारहरू चुनावी मैदानमा रहेको कास्की–२ मा पौडेललाई जेन–जी आन्दोलनको प्रतिनिधि पात्रका रूपमा हेरिन थालेको छ।
चुनावी अभियानका क्रममा विभिन्न स्थानमा आयोजित मतदाता भेटघाट, घरदैलो तथा अन्तर्क्रिया कार्यक्रममा बोल्दै पौडेलले भदौ २३ र २४ गते सम्पन्न जेन–जी आन्दोलनका मुख्य माग र एजेन्डालाई आफ्नो राजनीतिक यात्राको मूल आधार बनाएको बताए।
उनका अनुसार यो उम्मेदवारी व्यक्तिगत आकांक्षा होइन, न्याय, पारदर्शिता र जवाफदेहिताको सामूहिक आवाज हो।
“कास्की क्षेत्र नं. २ का वास्तविक समस्या पहिचान गरी समाधान गर्नु नै मेरो मुख्य एजेन्डा हो,” पौडेलले भने।
पौडेलले मुलुकको विद्यमान नेतृत्वले युवालाई निराशा र विदेश पलायनतर्फ धकेलेको आरोप लगाउँदै युवालाई आत्मनिर्भर बनाउने दृष्टिकोण अघि सारे।
उनले भने, “हामी पासपोर्ट बनाउने युवा होइन, प्रोजेक्ट बनाउने युवा बनौँ। अब गफ होइन, प्रश्न गरौँ। अब भाषण होइन, हिसाब गरौँ।”
उनका अनुसार रोजगारीको नाममा विदेश जाने बाध्यता अन्त्य नगरेसम्म देशको भविष्य सुरक्षित हुन सक्दैन।
जेन–जी आन्दोलनका क्रममा ज्यान गुमाएका युवाप्रति श्रद्धाञ्जली व्यक्त गर्दै पौडेलले सहिदहरूको रगतको हिसाब चुनावपछि गरिने दाबी गरे।
उनले भने, “सहिद जेन–जी तथा युवा पुस्ताका साथीहरूको बगेको एक–एक थोपा रगत, युवालाई शोषण गर्ने र देश लुट्ने हरेक भ्रष्टाचारीको हिसाब अब क्याल्कुलेटरमा भोट दिएर पूरा हुन्छ।”
उनका अनुसार यो चुनाव प्रतिशोधका लागि होइन, न्याय र पारदर्शिताका लागि हो।
पौडेलले जेन–जी पुस्ताको पीडा र निराशालाई यसरी व्यक्त गरेः “पढ्दा भविष्य भेटिएन, काम खोज्दा अवसर भेटिएन, देशको माया गर्दा नेतृत्व भेटिएन। भोट दियौँ तर परिवर्तन भेटिएन। हामी त्यो पुस्ता हौँ जसले भ्रष्टाचार देख्यो, बेरोजगारी भोग्यो, विदेश जाने लाइन बस्यो र नेताको झुट सुन्दै हुर्कियो।”
उनका अनुसार जेन–जी युवाहरू प्रतिशोध होइन, प्रणालीगत सुधार र पारदर्शिता चाहन्छन्।
“हामीले नयाँ पार्टी होइन, नयाँ पुस्ताको इमान्दार नेतृत्व खोजेका हौँ। अब देशको भविष्य भाषणले होइन, हाम्रो सहभागिताले लेखिनुपर्छ,” उनले भने।
कास्की–२ मा स्वतन्त्र उम्मेदवारका रूपमा प्रतिस्पर्धा गरिरहेका पौडेलले क्याल्कुलेटर चुनाव चिन्ह पाएका छन्।
उनका अनुसार क्याल्कुलेटर चिन्ह हिसाब, पारदर्शिता, जवाफदेहिता र भ्रष्टाचारविरुद्धको प्रतीक हो।
राजनीतिक तथा व्यावसायिक पृष्ठभूमि
निर्दोष विक्रम पौडेलको राजनीतिक र सामाजिक पृष्ठभूमि विविध र सक्रिय रहेको देखिन्छः
युवराज गौतम / काठमाडौँ । मुलुकमा यतिबेला प्रतिनिधि सभा निर्वाचनको तयारी भइरहेको छ । आगामी फागुन २१ गतेका लागि तोकिएको निर्वाचनमा विदेशमा बस्ने नेपालीहरुलाई कसरी सहभागि... विस्तृतमा
