सेतो खबर
काठमाडौं । प्रहरी महानिरीक्षक दानबहादुर कार्की शुक्रबार बेलुका सामान्य पोशाकभन्दा फरक रूपमा यूनिफर्ममै बुद्धनगरस्थित ‘चियादानी’ चिया पसलमा उपस्थित भएपछि सामाजिक सञ्जालदेखि राजनीतिक वृत्तसम्म चर्चा बढेको छ। राजधानीका सर्वसाधारण चिया पसलमध्ये एक मानिने यो स्थान पछिल्ला महिनाहरूमा उच्च पदस्थ व्यक्तिहरूको ‘डेस्टीनेसन’ जस्तै बनिरहेको छ।
आईजीपी कार्की उच्च सुरक्षा पदमा बसेको व्यक्ति भएकाले उनीप्रति जनताको चासो स्वाभाविक रहँदै आएको छ। तर, उनी वर्दीमै चिया पसल पुगेको दृश्य सार्वजनिक भएपछि धेरैले यसलाई अलग घटना रूपमा व्याख्या गरेका छन्।
उनले शुक्रबार चियादानीमा साधारण नागरिकझैँ चिया पिएका थिए।
स्रोतका अनुसार उहाँ कुनै विशेष कार्यक्रममा नभई अनौपचारिक रूपमा उक्त चिया पसलमा पुगेका थिए। तर, सो घटना सामाजिक सञ्जालमा भाइरल बनेपछि यसले विभिन्न कोणबाट चर्चा पाइरहेको छ।
चियादानी चिया पसलको लोकप्रियता किन बढ्दैछ ?
चियादानी चिया पसलका संचालक केपी खनाल राजधानीमा परिचित युवा अभियन्ता हुन्। उनी २३ भदौको जेनजी आन्दोलनका एक प्रमुख अगुवा थिए।
यही कारणले पनि पछिल्लो समय राजनीतिक, सुरक्षा निकाय र सामाजिक क्षेत्रमा सक्रिय व्यक्तिहरू चियादानी पुग्ने क्रम बढिरहेको बताइन्छ।
यसअघि पनि पूर्वराष्ट्रपति विद्यादेवी भण्डारी, विभिन्न मन्त्री, विशिष्ट व्यक्तिहरू र कलाकारहरू समेत उक्त चिया पसलमा पुगेका छन्।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
