सेतो खबर
चितवन । गृहमन्त्री सुधन गुरुङमाथि आक्रमण भएको भन्ने समाचार असत्य र भ्रामक रहेको उनको सचिवालयले जनाएको छ।
सोमबार सचिवालयले एक विज्ञप्ति जारी गर्दै गृहमन्त्रीमाथि कुनै प्रकारको हातपात वा आक्रमण नभएको स्पष्ट पारेको हो।
सचिवालयका अनुसार सामाजिक सञ्जाल तथा केही माध्यमहरूमा गृहमन्त्री गुरुङमाथि आक्रमण भएको भन्दै फैलाइएका समाचारहरू कपोलकल्पित र तथ्यहीन छन्।
यसअघि सामाजिक सञ्जालमा गृहमन्त्रीमाथि आक्रमण भएको दाबी गर्दै विभिन्न सामग्रीहरू सार्वजनिक भएका थिए। तर सचिवालयले ती दाबीहरूमा कुनै सत्यता नरहेको जनाएको छ।
सचिवालयले यस्ता भ्रामक सूचना र अफवाहको पछि नलाग्न तथा आधिकारिक स्रोतबाट प्राप्त जानकारीलाई मात्र विश्वास गर्न सबैमा अनुरोध गरेको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
