सेतो खबर
काठमाडौँ । पूर्वप्रधानमन्त्री डा. बाबुराम भट्टराईले गोरखा क्षेत्र नम्बर–२ बाट दिएको उम्मेदवारी फिर्ता लिएका छन्।
नेपाली कम्युनिस्ट पार्टीका लेखनाथ न्यौपाने, नेपाली कांग्रेसका प्रकाशचन्द्र दवाडी, राष्ट्रिय स्वतन्त्र पार्टीका कविन्द्र बुर्लाकोटी तथा नेकपा एमालेका मिलन गुरुङ (चक्रे) ले टेलिफोनमार्फत उम्मेदवारी फिर्ता लिएर अभिभावकीय भूमिका निर्वाह गर्न आग्रह गरेपछि डा. भट्टराईले शुक्रबार भिडियो सन्देशमार्फत उम्मेदवारी फिर्ता लिने निर्णय सार्वजनिक गरेका हुन्।
भिडियो सन्देशमा डा. भट्टराईले भने,
‘नयाँ–पुराना दलका साथीहरूले तपाईं साझा व्यक्तिको रूपमा रहनु उपयुक्त हुन्छ, सांसद वा दल विशेषमा सीमित रहँदा भूमिका संकुचित हुन सक्छ भन्ने सुझाव दिनुभयो। देश तरल अवस्थाबाट गुज्रिरहेको छ। त्यसैले चुनावी प्रतिस्पर्धामा जानुभन्दा राजनीतिक दलहरू र भोलि बन्ने सरकारलाई सल्लाह–सुझाव दिँदै अभिभावकीय भूमिका निर्वाह गर्नु उपयुक्त ठानेर उम्मेदवारी फिर्ता लिने निर्णय गरेको हुँ।’
डा. भट्टराईले प्रगतिशील लोकतान्त्रिक पार्टीको तर्फबाट उम्मेदवारी दिएका थिए। उनी यसअघि गोरखा–२ बाट निर्वाचित भइसकेका नेता हुन्।
उम्मेदवारी फिर्ता लिएपछि कसलाई समर्थन गर्ने भन्ने विषयमा भने डा. भट्टराईले हालसम्म खुलाएका छैनन्।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
