सेतो खबर
काठमाडौं । सरकारले नेपाल नागरिकता नियमावली, २०६३ मा चौथो संशोधन पारित गरी नेपाल राजपत्रमा प्रकाशित गरेसँगै बाबुको पहिचान नखुलेका सन्तानलाई आमाको नामबाट नेपाली नागरिकता प्रदान गर्ने कानुनी बाटो खुलेको छ। यससँगै नागरिकता ऐन, २०६३ मा व्यवस्था गरिएको अधिकार अब व्यवहारमा लागू हुने भएको हो।
यसअघि वंशजको नागरिकता बाबुको नामबाट मात्रै प्रदान हुँदै आएको थियो। तर नेपाली आमाबाट जन्मिएका सन्तानले आमाको नामबाट नागरिकता प्राप्त गर्न सक्ने व्यवस्था सहज बनाउन नेपाल नागरिकता (दोस्रो संशोधन) ऐन, २०८२ गत असोज ५ गते राष्ट्रपतिबाट प्रमाणित गरिएको थियो। सो ऐनमा भएका व्यवस्थालाई कार्यान्वयनमा लैजान नागरिकता नियमावलीमा चौथो संशोधन गरिएको हो।
मन्त्रिपरिषद्को पुस ११ गतेको बैठकबाट स्वीकृत नियमावली पुस २१ गते नेपाल राजपत्रमा प्रकाशित भइसकेको छ। नियमावली कार्यान्वयनका लागि गृह मन्त्रालयले ७७ वटै जिल्ला प्रशासन कार्यालयलाई परिपत्र गरिसकेको छ।
यस संशोधनसँगै बाबुको पहिचान नखुलेका वा बाबुको नाम उल्लेख गर्न नसक्ने अवस्थाका सन्तानले आमाको नामबाट नागरिकता प्राप्त गर्न सक्ने कानुनी स्पष्टता आएको छ, जसलाई नागरिक अधिकारको महत्वपूर्ण उपलब्धिका रूपमा हेरिएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
