सेतो खबर
काठमाडौं । नौ दिनदेखि माइतीघर मण्डलामा अनसनरत डा. निकोलस भुसालको स्वास्थ्य अवस्था बिग्रिएपछि उनलाई अस्पताल लगिएको छ। नेपाल चिकित्सक संघको टोलीले केही बेरअघि उपचारका लागि डा. भुसाललाई वीर अस्पताल पुर्याएको हो।
डा. भुसाल भदौ २३ र २४ गते भएका घटनाका दोषीलाई कारबाही गर्नुपर्ने, संविधान संशोधन गरी राष्ट्रिय सभा र प्रदेश संरचना खारेज गरिनुपर्ने, प्रत्यक्ष कार्यकारी प्रधानमन्त्रीको निर्वाचन हुनुपर्ने लगायत पाँच बुँदे माग राख्दै अनसनमा बसेका थिए। माग पूरा नभएसम्म अनसन नतोड्ने अडान उनीले लिँदै आएका छन्।
यसअघि पनि स्वास्थ्य अवस्था कमजोर भएपछि उनलाई अस्पताल लगिएको थियो। तर सडक नछाड्ने अडानसहित उनी उपचारपछि पुनः माइतीघर मण्डलामा फर्किएका थिए। हिजो मात्र माइतीघर फर्किएका डा. भुसालको अवस्था आज पुनः बिग्रिएपछि चिकित्सकको सिफारिसमा अस्पताल लगिएको हो।
डा. भुसालको स्वास्थ्य अवस्था र अनसनप्रति राज्यको ध्यानाकर्षण गराउनुपर्ने माग गर्दै विभिन्न अधिकारकर्मी तथा नागरिक समाजका प्रतिनिधिहरूले चासो व्यक्त गर्दै आएका छन्।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
