सेतो खबर
काठमाडौं । सरकारका प्रवक्तासमेत रहेका सञ्चार तथा सूचना प्रविधि मन्त्री जगदीश खरेलले विशेष पत्रकार सम्मेलन गर्ने भएका छन्। मन्त्री खरेलले मन्त्रालयमै केहीबेरमा विशेष पत्रकार सम्मेलन गर्ने जानकारी दिएका हुन्।
आगामी फागुन २१ गते हुने निर्वाचनका लागि उम्मेदवार मनोनयन दर्ता गर्न भोलि एक दिन मात्र बाँकी रहँदा मन्त्री खरेलले गर्न लागेको पत्रकार सम्मेलनलाई चासोका साथ हेरिएको छ। राजनीतिक वृत्तमा खरेलको पत्रकार सम्मेलनलाई लिएर विभिन्न अड्कलबाजी सुरु भएको छ।
प्रधानमन्त्रीले राजनीतिक गतिविधिमा सक्रिय हुने भए राजीनामा दिन सुझाव दिएपछि तीन मन्त्रालय सम्हालेका कुलमान घिसिङले पदबाट राजीनामा दिएर पार्टी नेतृत्व सम्हालेको सन्दर्भमा खरेलको कदमलाई पनि त्यही कोणबाट हेरिएको छ।
खरेलको विशेष पत्रकार सम्मेलनमा सरकारले हालसम्म गरेका कामको विवरण सार्वजनिक गरिने वा मन्त्री पदबाट बाहिरिनेबारे कुनै महत्वपूर्ण घोषणा हुनसक्ने अनुमान गरिएको छ।
यसैबीच, राष्ट्रिय स्वतन्त्र पार्टीले मन्त्री खरेललाई दोलखा निर्वाचन क्षेत्रबाट उम्मेदवार बनाउने निर्णय गरिसकेको छ। पत्रकार सम्मेलनमार्फत खरेलले उक्त निर्णयबारे औपचारिक धारणा सार्वजनिक गर्ने सम्भावना पनि रहेको बताइएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
