सेतो खबर
भक्तपुर। यही फागुन २१ गते हुन लागेको प्रतिनिधिसभा निर्वाचनका लागि उज्यालो पार्टी नेपालको तर्फबाट भक्तपुर क्षेत्र नं. २ मा जितराम लामा उम्मेदवार बनेका छन्। लामो समयदेखि सामाजिक सेवा, नीति निर्माण र विकासका क्षेत्रमा सक्रिय रहँदै आएका लामालाई उज्यालो पार्टी नेपालले अनुभवी र योग्य उम्मेदवारका रूपमा अघि सारेको जनाएको छ।
लामाको जन्म काभ्रे जिल्लाको चैरी देउराली गाउँपालिका–७, मादनकुडारी मा भएको हो। हाल उनी सूर्यविनायक नगरपालिका–५, भक्तपुर का स्थायी बासिन्दा हुन्। ग्रामीण परिवेशमा हुर्किएका लामाले स्थानीय आवश्यकता, समस्या र सम्भावनालाई नजिकबाट बुझेको दाबी गरेका छन्।
लामाले व्यवस्थापन र समाजशास्त्र विषयमा दुईवटा स्नातकोत्तर (मास्टर्स) अध्ययन पूरा गरेका छन्। साथै, उनी हाल विपद् व्यवस्थापन विषयमा विद्यावारिधि (PhD) अध्ययनरत छन्। उनको शैक्षिक पृष्ठभूमिले नीति निर्माण, योजना कार्यान्वयन र संकट व्यवस्थापनमा व्यावहारिक योगदान दिन सक्ने विश्वास पार्टीले व्यक्त गरेको छ।
तीन दशकभन्दा बढी समयदेखि सामाजिक क्षेत्रमा क्रियाशील लामा नेपालको ग्रामीण समुदायको समग्र विकासका लागि निरन्तर सक्रिय रहँदै आएका छन्। उनले शिक्षा, स्वास्थ्य, खानेपानी तथा सरसफाइ, विपद् जोखिम न्यूनीकरण, जलवायु अनुकूलन लगायतका क्षेत्रमा नागरिक तथा सामाजिक संघ–संस्थामार्फत प्रभावकारी भूमिका निर्वाह गरेका छन्।
२०७२ सालको विनाशकारी भूकम्पपछिको पुनर्निर्माण प्रक्रियामा लामा महत्वपूर्ण रूपमा संलग्न थिए। त्यसैगरी, कोभिड–१९ महामारीका बेला नेपाली गैरसरकारी संघसंस्थाहरूको प्रभावकारी परिचालन, राहत तथा स्वास्थ्य सामग्री व्यवस्थापन र समन्वयमा उनको भूमिका उल्लेखनीय रहेको बताइन्छ। उनले अन्तर्राष्ट्रिय दातृ निकायहरूसँग समन्वय गर्दै स्रोत व्यवस्थापन र सहकार्य सुदृढ गर्न निरन्तर पहल गरेका थिए।
लामा गैरसरकारी संस्था महासंघ नेपाल (NGO Federation of Nepal) का पूर्व अध्यक्ष हुन्। यस क्रममा उनले नेपालका नागरिक तथा सामाजिक संघसंस्थाहरूको साझा आवाजलाई राष्ट्रिय र अन्तर्राष्ट्रिय मञ्चमा उठाउने काम गरेका थिए। एशिया तथा अन्तर्राष्ट्रिय स्तरका विभिन्न सञ्जाल र महासंघहरूमा रही उनले नेतृत्वदायी भूमिका निर्वाह गर्दै नेपालको नागरिक समाजको प्रतिनिधित्व गरेका छन्।
यसैगरी, उनी राष्ट्रिय योजना आयोग अन्तर्गतको राष्ट्रिय विकास परिषद तथा दीगो विकास लक्ष्य (SDGs) कार्यान्वयन तथा अनुगमन समितिका सदस्यका रूपमा रहेर नेपालको समग्र विकास प्रक्रिया, दीर्घकालीन योजना र नीतिगत सुधारमा योगदान दिँदै आएका छन्।
स्थानीय स्तरमा लामाले भक्तपुर जिल्लाका नंखेल, कांक्राबारी, नैचाल, चांगुनारायण, सुडाल लगायतका ग्रामीण भेगहरूमा खानेपानी सेवा विस्तारमा प्रत्यक्ष योगदान पुर्याएका छन्। साथै, भक्तपुर जिल्लालाई खुला दिशामुक्त जिल्ला घोषणा गर्ने अभियानमा समेत उनले महत्वपूर्ण भूमिका खेलेको उल्लेख गरिएको छ।
लामा लामो समयदेखि लेखापरीक्षकका रूपमा समेत कार्यरत रहँदै आएका छन्। यसले पारदर्शिता, जवाफदेहिता र सुशासनप्रति उनको प्रतिबद्धतालाई थप मजबुत बनाएको बताइन्छ। उनले राजनीतिक नेतृत्वमा पुगेपछि विकासका काममा पारदर्शिता र उत्तरदायित्वलाई पहिलो प्राथमिकतामा राख्ने प्रतिबद्धता व्यक्त गरेका छन्।
उज्यालो पार्टी नेपालका अनुसार लामा समुन्नत, समावेशी र सुशासित भक्तपुर तथा नेपालको निर्माणलाई आफ्नो मुख्य एजेन्डा बनाएका छन्। दीर्घ सामाजिक अनुभव, नीतिगत समझदारी, उच्च शैक्षिक योग्यता र व्यावसायिक दक्षताका आधारमा उनले संसदमा प्रभावकारी भूमिका खेल्न सक्ने विश्वास पार्टीले व्यक्त गरेको छ।
मेरो उम्मेदवारी किन ?
भक्तपुर २ को आवाज, सपना र भविष्यको प्रतिनिधि बनेर उभिएको छु। भक्तपुर केवल इतिहास होइन, भक्तपुर संभावनाले भरिएको भविष्य पनि हो। मेरो भिजन छ— “संरक्षणसँगै समृद्धि, संस्कृतिसँगै आधुनिकता, र जनतासँगै शासन।”:
१. समग्र आर्थिक विकास र रोजगारी मेरो पहिलो प्राथमिकता हो— स्थानीय रोजगारी, स्थानीय उत्पादन र स्थानीय बजार। भक्तपुरका परम्परागत पेशा—माटो, काठ, धातु, कपडा, कृषि र पर्यटनलाई आधुनिक सीप, प्रविधि र बजारसँग जोड्नेछु।
२. शिक्षा र ज्ञान अर्थतन्त्र आजको युग ज्ञान र प्रविधिको युग हो। सरकारी विद्यालयलाई गुणस्तरीय, प्रविधिमैत्री र प्रतिस्पर्धी बनाइनेछ। भक्तपुरलाई सीप, अनुसन्धान र इनोभेसनको केन्द्र बनाउने दीर्घकालीन योजना छ।
३. स्वास्थ्य र सामाजिक सुरक्षा
४. पूर्वाधार र वातावरण मैत्री व्यवस्थित शहरी विकास विकास भनेको कंक्रिट मात्र होइन, व्यवस्थित, सुरक्षित र वातावरणमैत्री जीवन हो। सडक, खानेपानी, ढल र फोहोर व्यवस्थापनलाई दीर्घकालीन मास्टर प्लान अनुसार अघि बढाइनेछ। पुराना बस्ती र सांस्कृतिक सम्पदाको संरक्षण गर्दै स्मार्ट र हरित शहर को अवधारणा लागू गरिनेछ। भूकम्प र विपद् जोखिम न्यूनीकरणमा स्थानीय समुदायलाई केन्द्रमा राखिनेछ।
५. सुशासन, पारदर्शिता र जनसहभागिता मेरो प्रतिबद्धता स्पष्ट छ— भ्रष्टाचारसँग सम्झौता हुँदैन। प्रत्येक विकास योजना जनतासँग छलफल र सार्वजनिक सुनुवाइ मार्फत अघि बढाइनेछ। डिजिटल प्रणालीमार्फत बजेट, योजना र प्रगतिको सार्वजनिक जानकारी उपलब्ध गराइनेछ। जनप्रतिनिधि भनेको मालिक होइन, सेवक हो भन्ने संस्कार स्थापित गरिनेछ। अन्त्यमा आदरणीय जनताज्यू, मेरो भिजन कुनै कागजी सपना होइन, यो तपाईंहरूसँगै बनेको साझा यात्रा हो। यदि तपाईंहरू मेरो साथमा उभिनुहुन्छ भने, भक्तपुर क्षेत्र नं. २ लाई संस्कृतिमा गर्व गर्ने, अवसरमा अग्रणी र विकासमा उदाहरणीय क्षेत्र बनाउनेछौँ। भविष्य सन्तानका लागि सुरक्षित, समृद्ध र सम्मानजनक बनाऔँ। जय भक्तपुर, जय उज्याले नेपाल धन्यवाद।
युवराज गौतम / काठमाडौँ । मुलुकमा यतिबेला प्रतिनिधि सभा निर्वाचनको तयारी भइरहेको छ । आगामी फागुन २१ गतेका लागि तोकिएको निर्वाचनमा विदेशमा बस्ने नेपालीहरुलाई कसरी सहभागि... विस्तृतमा
