सेतो खबर
काठमाडौँ । आफ्नै ४ महिने शिशुको घाँटी रेटेर हत्या गरेको आरोपमा नेपाल प्रहरीका असई पुष्कर कार्की पक्राउ परेका छन्। आइतबार दिउँसो सिनामंगलस्थित भाडाको कोठामा बस्दै आएका कार्कीले सुतेका अवस्थामा रहेका आफ्नै छोरामाथि धारिलो हतियार प्रहार गरी हत्या गरेको प्रहरीले जनाएको छ।
घटनाक्रममा कार्कीले श्रीमतीमाथि पनि कुटपिट गरेका थिए। घटनापछिचाही फरार बनेका उनलाई सोही दिन साँझ प्रहरीले खोजतलास गरी नियन्त्रणमा लिएको जिल्ला प्रहरी परिसर काठमाडौंले जानकारी दिएको छ।
प्रहरीकाअनुसार शिशु जन्मेदेखि नै ब्रेन ट्युमरका कारण उपचाररत थियो। उपचारकै क्रममा घरमै आराम गराइएका बेला कार्कीले अत्यासलाग्दो हिंसात्मक कदम चालेपछि परिवार स्तब्ध बनेको छ।
हाल पक्राउ परेका असई कार्कीलाई जिल्ला प्रहरी परिसर, भद्रकालीमा राखेर अनुसन्धान अघि बढाइएको प्रहरीले जनाएको छ।
घटनाको कारण र मानसिक अवस्थाबारे विस्तृत अनुसन्धान भइरहेको छ।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
