सेतो खबर
काठमाडौं । नेकपा एमालेका सचिव महेश बस्नेतले नेपाली कांग्रेसको विभाजनमा प्रधानमन्त्री सुशीला कार्की स्वयं संलग्न रहेको आरोप लगाएका छन्।
आइतबार पार्टी मुख्यालय च्यासलमा आयोजित पत्रकार सम्मेलनमा सञ्चारकर्मीहरूको प्रश्नको जवाफ दिँदै सचिव बस्नेतले निर्वाचन आयोगले विशेष महाधिवेशनलाई वैधानिकता दिँदै कानुनविपरीत निर्णय गरेको दाबी गरे।
उनले निर्वाचन आयोगले एक घण्टाको अन्तरालमै गरेको निर्णय ‘सेटिङ’ का आधारमा भएको आरोप लगाउँदै कांग्रेस सभापति शेरबहादुर देउवाले व्यक्त गरेको असन्तुष्टिप्रति एमालेको पनि समर्थन रहेको बताए।
“जुन ढंगले निर्वाचन आयोगले एक घण्टाको अन्तरालमा निर्णय गर्यो, त्यो बेठिक हो भन्ने देउवाजीको भनाइमा हाम्रो पनि समर्थन छ,” बस्नेतले भने, “कांग्रेसको विभाजन लोकतन्त्रमाथिको गम्भीर प्रहार हो।”
सचिव बस्नेतले कांग्रेस र एमालेजस्ता ठूला तथा शक्तिशाली दलहरूलाई कमजोर बनाउने र रवि लामिछानेजस्ता नेताहरूलाई बलियो बनाउने उद्देश्यले प्रधानमन्त्री कार्की लगायत अन्तर्राष्ट्रिय शक्तिहरू सक्रिय रहेको आरोप लगाए।
उनका अनुसार कांग्रेसलाई विभाजन गर्ने प्रयास केवल एक दलमाथिको आक्रमण नभई समग्र लोकतान्त्रिक प्रणालीमाथिको खतरा हो। “यो अत्यन्तै गम्भीर विषय हो र यसप्रति सबै सचेत हुन आवश्यक छ,” उनले जोड दिए।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
