सेतो खबर
काठमाडौं । नेपाली कांग्रेसको विशेष महाधिवेशनबाट पार्टी सभापतिमा निर्वाचित भएका गगन थापाले पार्टी विभाजन नभएको स्पष्ट दाबी गरेका छन्।
पार्टी फुट्न नदिने भन्दै आफू ‘विष पिउनसमेत तयार’ रहेको अभिव्यक्तिबारे सञ्चारकर्मीले सोधेको प्रश्नमा प्रतिक्रिया दिँदै सभापति थापाले कांग्रेस एकताबद्ध रहेको बताए।
विशेष महाधिवेशनले गरेका निर्णयबारे जानकारी दिन र नयाँ केन्द्रीय कार्यसमितिको विवरण अद्यावधिक गर्न निर्वाचन आयोग पुगेका थापाले आयोगले आफ्नो निवेदनमाथि छिट्टै निर्णय गर्ने विश्वास व्यक्त गरे।
निर्वाचन आयोग परिसरमा सञ्चारकर्मीसँग कुरा गर्दै थापाले भने, “विशेष महाधिवेशनमार्फत विद्यमान केन्द्रीय कार्यसमिति परिवर्तन भएको जानकारी आयोगलाई गराइसकेका छौं। त्यसको पुष्टि गर्न आवश्यक सबै कागजात बुझाएका छौं। आगामी निर्वाचनमा प्रत्यक्षतर्फका कांग्रेस उम्मेदवारलाई दिने टिकटमा सभापतिको हैसियतले मेरो हस्ताक्षर रहने कुरा पनि स्पष्ट गरेका छौं।”
उनका अनुसार आयोगका पदाधिकारीहरूसँग कुनै दोहोरो संवाद नभएको र ढिलोमा पर्सिसम्ममा निवेदनमाथि सुनुवाइ हुनेमा आफू विश्वस्त रहेको बताए।
आगामी फागुन २१ गते हुने प्रतिनिधिसभा सदस्य निर्वाचनका लागि प्रत्यक्षतर्फको उम्मेदवारी दर्ता माघ ६ गते तोकिएको छ। यस सन्दर्भमा निर्वाचन आयोगको निर्णय कांग्रेसका लागि निर्णायक हुने देखिएको छ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
