सेतो खबर
काठमाडौं । भोटेकोशी बाढी प्रभावित परिवारलाई स्थायी आवास निर्माण नभएसम्म सरकारले मासिक १५ हजार रुपैयाँसम्म आवास खर्च उपलब्ध गराउने भएको छ।
सञ्चारमन्त्री डा. विक्रम तिमिल्सिनाका अनुसार चार सदस्यसम्मको परिवारलाई मासिक १५ हजार रुपैयाँ दिइनेछ। चार जनाभन्दा बढी सदस्य भएका परिवारका लागि प्रत्येक थप सदस्यबापत मासिक २ हजार रुपैयाँ थप उपलब्ध गराइनेछ।
मन्त्रिपरिषद्को बैठकले बाढी प्रभावित परिवारको आवास भाडा तथा आवश्यक खर्च व्यवस्थापनका लागि यस्तो निर्णय गरेको हो।
नगद सुविधा लिन नचाहने परिवारका लागि सरकारले स्थायी आवास निर्माण नभएसम्म अस्थायी आवासको व्यवस्था गरिदिने विकल्पसमेत दिएको छ।
प्रभावित परिवारको विवरण संकलनका लागि सम्बन्धित स्थानीय तहमा फाराम पठाइसकिएको र संकलित विवरणका आधारमा आवास सहायता उपलब्ध गराउने तयारी भइरहेको सरकारले जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
