सेतो खबर
काठमाडौं । ललितपुरको कुमारीपाटीस्थित मेगा कलेजका प्रमुख कार्यकारी निर्देशक एवं प्राचार्य डा.घनश्याम प्रसाद साहले नेपालमै पहिलो पटक लेखा विषयमा ‘पोष्ट डक्टरल फेलो’ को उपाधि हासिल गरेका छन् ।
साहले ‘क्यापिटल बजेटिङ प्राक्टिसेस इन नेपाल’ विषयमा भारतको श्रीनिवास विश्वविद्यालयबाट ‘पोष्ट डक्टरल फेलो’ को उपाधि हासिल गरेका हुन् । सो उपाधि विद्यावारिधि गरिसकेपछि विशेष अनुसन्धान वा खोजका लागि दिने गरिन्छ ।
डा.साहले पोष्ट डक्टरल फेलोको सन्दर्भमा आफूले नेपालमा पुँजी लगानीको अभ्यास, प्रक्रिया र अवस्था लगायतका विषयमा अनुसन्धान गरेको जानकारी दिए ।
‘मैले नेपालको पुँजी प्रणाली, लगानीको अभ्यास र यसको समसामयिक अवस्थाबारे गहिरो अध्ययन र विश्लेषण गरेको छु । लेखा सम्बन्धित विधामा नेपालमै पहिलोपटक यो उपाधि हासिल गरेकोमा म खुसी छु । यसले मलाई थप अनुसन्धान र ज्ञान निर्माणमा प्रेरणा दिएको छ’, साहले भने ।
सर्लाही ब्रह्मपुरी ३ स्थायी घर भई हाल काठमाडौं उपत्यकामा प्राध्यापन र अनुसन्धान पेशामा सक्रिय डा.साहका लेखा र वित्तीय व्यवस्थापन सम्बन्धी २१ भन्दा बढी अनुसन्धानात्मक प्रकाशनहरु प्रकाशित भइसकेका छन् ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
