म हिन्दु हुँ, हिन्दु हुँ, हिन्दु हुँ : देउवा

कांग्रेसको राष्ट्रिय भेलालाई सम्बोधन गर्दै देउवाले हिन्दू धर्मका विषयमा बोलिदिन आग्रह गरिएपछि आफू हिन्दू भएको स्पष्ट पारेका हुन्।

“म हिन्दु हुँ, हिन्दु हुँ, हिन्दु हुँ। म पशुपतिनाथ जान्छु, पूजा गर्छु।”

देउवाले आफूले बौद्ध धर्मलाई पनि उत्तिकै सम्मान गर्ने बताए। बुद्धिजमलाई विश्वले स्वीकार गरेको र यो वैज्ञानिक धर्मसमेत भएको उनको भनाइ थियो।

नेपालमा प्राकृतिक धर्म मान्ने समुदायसमेत रहेको उल्लेख गर्दै उनले राई, लिम्बूलगायत सबै समुदायको धार्मिक आस्थाको सम्मान गर्नुपर्ने बताए।

यसै क्रममा देउवाले कांग्रेसको विशेष महाधिवेशन आफूले स्वीकार नगरेको पनि स्पष्ट पारे। आफूले विशेष महाधिवेशन नमाने पनि अदालतको निर्णय भने स्वीकार गरेको उनले बताए।

कांग्रेससँग सम्बन्धित विचाराधीन मुद्दामा अदालतले न्याय दिने विश्वाससमेत देउवाले व्यक्त गरे।