सेतो खबर
काठमाडौं । राष्ट्रिय परीक्षा बोर्डले कक्षा १२ को मौका (ग्रेडवृद्धि) परीक्षाको नतिजा सार्वजनिक गरेको छ। बिहीबार सार्वजनिक गरिएको नतिजाअनुसार परीक्षामा सहभागी अधिकांश विद्यार्थीले सबै विषयमा ग्रेड प्राप्त गर्दै उत्तीर्ण भएका छन्।
बोर्डका अनुसार मौका परीक्षामा ७१ हजार ३१० जना परीक्षार्थी सहभागी भएका थिए। तीमध्ये ५७ हजार ८९७ जनाले सबै विषयमा ग्रेड प्राप्त गरेका छन्, जुन कुल सहभागी परीक्षार्थीको ८१.१९ प्रतिशत हो।
यसपटकको नतिजामा तीन जना परीक्षार्थीको परीक्षा रद्द गरिएको बोर्डले जनाएको छ। परीक्षा सञ्चालनका क्रममा अपनाउनुपर्ने नियम तथा मापदण्ड उल्लङ्घन भएका कारण उनीहरूको नतिजा रद्द गरिएको जनाइएको छ।
राष्ट्रिय परीक्षा बोर्डले प्राविधिक कारणले नतिजामा कुनै त्रुटि देखिएमा परीक्षा नियन्त्रण कार्यालयमा सुरक्षित रहेको मूल अभिलेखका आधारमा आवश्यक सच्याइ गरिने स्पष्ट पारेको छ।
बोर्डका अनुसार विद्यार्थीहरूले आफ्नो नतिजा राष्ट्रिय परीक्षा बोर्डको आधिकारिक वेबसाइट, एसएमएस सेवा तथा आईभीआर (IVR) सेवा मार्फत हेर्न सक्नेछन्।
यसअघि बोर्डले कक्षा १२ को मौका परीक्षा साउन २ र ३ गते देशभर सञ्चालन गरेको थियो। नियमित परीक्षामा न्यूनतम ग्रेड प्राप्त गर्न नसकेका विद्यार्थीलाई शैक्षिक अवसर उपलब्ध गराउने उद्देश्यले उक्त परीक्षा सञ्चालन गरिएको हो।
बोर्डले मौका परीक्षाबाट ठूलो संख्यामा विद्यार्थी सफल भएको उल्लेख गर्दै यसले उच्च शिक्षामा अध्ययन अघि बढाउन हजारौं विद्यार्थीलाई अवसर प्रदान गर्ने विश्वास व्यक्त गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
