सेतो खबर
काठमाडौं । राजनीतिक विश्लेषक, चिन्तक तथा त्रिमूल नेपालका अध्यक्ष भरत दाहाल पक्राउ परेका छन्।
दाहाललाई आइतबार बिहान मोरङको बेलबारी क्षेत्रबाट प्रहरीले पक्राउ गरेको हो। नेपाल प्रहरीको साइबर ब्युरोको अनुरोधमा उनलाई पक्राउ गरिएको मोरङ प्रहरीले जनाएको छ।
प्रहरीका अनुसार दाहालविरुद्ध काठमाडौं जिल्ला अदालतबाट पक्राउ अनुमति लिइएको थियो। साइबर ब्युरोले पक्राउका लागि अनुमति लिएपछि मोरङमा रहेका दाहाललाई प्रहरीले नियन्त्रणमा लिएको हो।
प्रहरीका अनुसार दाहाललाई सुन्दरहरैँचा–८, सलकपुरस्थित गौरी ढकालको चिया पसलबाट पक्राउ गरिएको हो। उनी राजनीतिक छलफलका लागि असोज २ गते मोरङ पुगेका थिए।
साइबर ब्युरोबाट जारी पक्राउ पुर्जीका आधारमा दाहाललाई नियन्त्रणमा लिइएको प्रहरीले जनाएको छ। पक्राउपछि उनलाई आवश्यक अनुसन्धानका लागि काठमाडौं ल्याउने तयारी भइरहेको छ।
दाहालले पछिल्लो समय सत्ता, शासन व्यवस्था तथा राजनीतिक प्रणालीका विषयमा निरन्तर आलोचनात्मक धारणा सार्वजनिक गर्दै आएका छन्। उनी त्रिमूल नेपालका अध्यक्षसमेत हुन्।
उनको पक्राउको कारण तथा उनीमाथि लगाइएको आरोपबारे प्रहरीले थप विवरण सार्वजनिक गर्न बाँकी रहेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
