सेतो खबर
एमालेमा अनुशासन कमजोर देखिनु दुःखद् :अध्यक्ष ओली
सरकराले बेलिब्रिजबारे एआई नक्सा बनाएर हल्ला फैलायो ः ओली
काठमाडौं । नेकपा एमालेका अध्यक्ष केपी शर्मा ओलीले अहिले अनुशासनमा एमाले पार्टी सबैभन्दा कमजोर रहेको स्वीकार गरेका छन् ।
सोमबार एमालेको केन्द्रीय कमिटीको तेस्रो बैठकलाई सम्बोधन गर्दै अध्यक्ष ओलीले सामाजिक सञ्जालमा स्टाटस लेख्ने, अपलोड गर्ने तथा कमेन्ट गर्ने गराउने प्रवृत्ति स्वस्थ नभएको बताए।
उनले भने, ‘म आग्रह गर्छु, विरोधीले खेल्ने यस्ता ठाउँहरू दिनुहुँदैन । स्टाटस लेख्ने, अपलोड गर्ने अनि कमेन्ट गर्ने वा गराउने स्वस्थ तरिका होइन । खुलस्त छलफल पार्टीभित्र नै हुनुपर्छ । अहिले अनुशासनमा कमजोर हाम्रै पार्टी देखिनु भनेको सारै दुःखलाग्दो कुरा हो।’
अध्यक्ष ओलीले सरकारको असक्षमता र राज्यका साधन स्रोतको दुरुपयोग जनताले देखेको दाबी गरे । उनले सरकारले अफवाह फैलाएको आरोपसमेत लगाए।
‘सरकारको असक्षमता, अकर्मण्यता र राज्यका साधन स्रोतहरूको दुरुपयोग आम जनताले देखेको छ । र अफवाह कसरी राज्यस्तरबाट फैलाइयो त्यो कुरा पनि देखिएको छ,’ उनले भने।
उनले बेलिब्रिज निर्माणबारे समेत उदाहरण दिँदै सामान नआउँदै बेलिब्रिज बनेको भनेर प्रचार गरिएको दाबी गरे। उनले बागमती प्रदेश सरकारले विपद्का बेला गरेको सहयोगको भने प्रशंसा गरे ।
‘बागमती सरकारलाई धन्यवाद भन्न चाहन्छु, बरु तत्काल तुइन हालेर औषधिदेखि सबैथोक ल्याएर जनताको साथमा छौँ भनेर साथ दिए,’ उनले भने।
बैठकमा बोल्न तीन मिनेट समय, भिडियो नखिच्न आदेश
यसैबीच, एमाले केन्द्रीय कमिटी बैठकमा बोल्न चाहने प्रत्येक सदस्यका लागि तीन मिनेट समय निर्धारण गरिएको छ । बैठकको सुरुवातमै अध्यक्ष ओलीले बोल्न चाहने सबै केन्द्रीय सदस्यलाई समय उपलब्ध गराइने जानकारी गराएका हुन्।
निर्धारित समयमा बोल्न नभ्याएका विषय लिखित रूपमा दिन सकिने उनले बताए। आफूले प्रस्तुत गरेको प्रतिवेदन लामो भएकाले सदस्यहरूलाई अध्ययनका लागि सोमबारको बैठक चाँडै टुंग्याउने र मंगलबारदेखि छलफल अघि बढाउने उनको भनाइ थियो।
अध्ययनपछि बोल्ने नेताहरूलाई विषय केन्द्रित भएर धारणा राख्न पनि ओलीले निर्देशन दिएका छन्।
यस्तै, मंगलबारदेखि बैठकस्थलमा मोबाइल फोन नल्याउन उनले निर्देशन दिएका छन्। बैठकस्थलमा मोबाइलबाट भिडियो खिच्न, रेकर्ड गर्न तथा लाइभ गर्नसमेत नपाइने उनले बताएका छन्।
बैठकमा आफ्नो आसन छाड्दा र बोल्दा अध्यक्षको अनुमति लिनुपर्ने निर्देशनसमेत ओलीले दिएका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
