सेतो खबरद्वारा प्रकाशित गरिएको हो |
काठमाडौं । प्रधानमन्त्री वालेन्द्र शाह (बालेन) भारतको दुईदिने राजकीय भ्रमणमा जाने भएपछि कार्यवाहक प्रधानमन्त्रीको जिम्मेवारी ऊर्जा, जलस्रोत तथा सिँचाइमन्त्री विराजभक्त श्रेष्ठलाई दिइएको छ ।
राष्ट्रपति कार्यालय स्रोतका अनुसार प्रधानमन्त्री शाहको भारत भ्रमण अवधिभर श्रेष्ठले कार्यवाहक प्रधानमन्त्रीको जिम्मेवारी सम्हाल्ने जानकारीसहितको पत्र राष्ट्रपति कार्यालयमा पुगेको छ ।
प्रधानमन्त्री शाह आइतबार दिउँसो भारतको राजकीय भ्रमणमा जाँदैछन् । उनीसँगै सरकारका दोस्रो वरीयतामा रहेका अर्थमन्त्री स्वर्णिम वाग्ले र तेस्रो वरीयतामा रहेका परराष्ट्रमन्त्री शिशिर खनाल पनि भारत जाने भएपछि मन्त्रिपरिषद्मा चौथो वरीयतामा रहेका ऊर्जामन्त्री श्रेष्ठलाई कार्यवाहक प्रधानमन्त्रीको जिम्मेवारी दिइएको हो ।
भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा भारत जान लागेका शाह प्रधानमन्त्री बनेपछि पहिलोपटक छिमेकी मुलुकको राजकीय भ्रमणमा निस्कन लागेका हुन् ।
भ्रमणका क्रममा प्रधानमन्त्री शाहले भारतका राष्ट्रपति द्रौपदी मुर्मूसँग शिष्टाचार भेट गर्ने कार्यक्रम रहेको छ । त्यस्तै, सोमबार भारतीय समकक्षी नरेन्द्र मोदीसँग प्रतिनिधिमण्डलस्तरीय तथा एक्लाएक्लै भेटवार्ता गर्ने कार्यतालिका रहेको छ ।
दुई देशका प्रधानमन्त्रीबीच हुने वार्तामा व्यापार, लगानी, ऊर्जा, सम्पर्क सञ्जाल तथा पूर्वाधारलगायतका क्षेत्रमा आर्थिक सहकार्य विस्तार गर्ने विषयमा छलफल हुने बताइएको छ ।
दुईदिने राजकीय भ्रमण सम्पन्न गरी प्रधानमन्त्री शाह नोभेम्बर २३ मा स्वदेश फर्कने कार्यक्रम रहेको परराष्ट्र मन्त्रालयले जनाएको छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा