सेतो खबरद्वारा प्रकाशित गरिएको हो |
काठमाडौं । नेपाली बजारमा सुनको मूल्यमा भारी गिरावट आएको छ । बुधबार एकैदिन सुनको मूल्य प्रतितोला ६ हजार ३०० रुपैयाँले घटेको छ । सुनसँगै चाँदीको मूल्यमा पनि उल्लेख्य गिरावट आएको छ ।
नेपाल सुनचाँदी व्यवसायी महासंघका अनुसार बुधबार सुन प्रतितोला २ लाख ६० हजार ९०० रुपैयाँमा कारोबार भइरहेको छ । मंगलबार सुनको मूल्य प्रतितोला २ लाख ६७ हजार २०० रुपैयाँ कायम थियो ।
पछिल्लो गिरावटसँगै सुनको मूल्यमा निरन्तर ओरालो लाग्ने क्रम जारी रहेको छ । यसअघि तिहारका लागि सुनचाँदी कारोबार बन्द हुनुअघि गत कात्तिक २३ गते सुनको मूल्य प्रतितोला २ लाख ८४ हजार ३०० रुपैयाँ पुगेको थियो ।
त्यसपछि कात्तिक २७ गते एकैदिन सुनको मूल्य प्रतितोला १२ हजार ६०० रुपैयाँले घटेर २ लाख ७१ हजार ७०० रुपैयाँमा झरेको थियो । त्यसयता पनि सुनको मूल्यमा उतारचढाव हुँदै निरन्तर गिरावट देखिएको छ ।
तिहारअघिको उच्च मूल्यसँग तुलना गर्दा बुधबारसम्म सुन प्रतितोला २३ हजार ४०० रुपैयाँले सस्तो भएको छ ।
यस्तै, चाँदीको मूल्य पनि घटेको छ । महासंघका अनुसार बुधबार चाँदी प्रतितोला ११० रुपैयाँले घटेर ३ हजार ३८० रुपैयाँमा कारोबार भइरहेको छ । मंगलबार चाँदी प्रतितोला ३ हजार ४९० रुपैयाँमा कारोबार भएको थियो ।
सुन र चाँदी दुवैको मूल्यमा आएको गिरावटले नेपाली बजारमा नयाँ मूल्य कायम भएको छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा