सेतो खबरद्वारा प्रकाशित गरिएको हो |
राजधानीमा आयोजित पत्रकार सम्मेलनमार्फत उनले पार्टीमा पुस्तान्तरण र रूपान्तरण आवश्यक रहेको भन्दै अध्यक्ष पदमा उम्मेदवारी दिने घोषणा गरेका हुन् ।
शाहीले राप्रपामा तीन पुस्ताको प्रतिनिधित्व रहेकाले सबै पुस्ताको साथ र सहयोग आवश्यक रहेको बताए । विशेषगरी युवा पुस्तालाई नेतृत्वमा अघि बढाउनुपर्नेमा उनले जोड दिए ।
पार्टीमा समयअनुसार नेतृत्व परिवर्तन हुन नसके राप्रपा जनतामाझ कमजोर हुँदै जाने उनको भनाइ छ । पुस्तान्तरण हुन नसके पार्टीको अस्तित्व नै संकटमा पर्न सक्ने उनले चेतावनी दिए ।
‘राप्रपामा पुस्तान्तरण हुन सकेन । हामीले पुस्तान्तरण गर्न सकेनौँ भने जनतामा जाँदा एमाले, नेकपा र कांग्रेसका नेताको घरमा गएर एक–दुई सिट माग्नुपर्ने अवस्था आउन सक्छ,’ शाहीले भने ।
उनले पार्टीका शीर्ष नेताहरूको योगदान र विचारको सम्मान गर्दै उनीहरूको सुझाव र अनुभवलाई समेटेर युवा पुस्तालाई नेतृत्वमा अघि बढाउनुपर्ने धारणा राखे ।
राप्रपाको महाधिवेशन मंसिरको अन्तिम साता हुँदैछ । महाधिवेशन नजिकिँदै गर्दा शाहीको अध्यक्ष पदमा उम्मेदवारी घोषणालाई पार्टीभित्र नेतृत्व परिवर्तनको बहसका रूपमा हेरिएको छ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा