सेतो खबर
काठमाडौं । नेपाल प्रहरीका नवनियुक्त महानिरीक्षक (आईजीपी) डा. मनोजकुमार केसीले आईजीपीको दज्र्यानी चिह्न (फूली) लगाएका छन् ।
गृह मन्त्रालयमा आज साँझ आयोजित कार्यक्रममा उनलाई दज्र्यानी चिह्न प्रदान गरिएको हो । दज्र्यानी चिह्न लगाएसँगै केसीले नेपाल प्रहरीको सर्वोच्च नेतृत्वको जिम्मेवारी सम्हालेका छन् ।
मन्त्रिपरिषद्को आज बसेको बैठकले एआईजी डा. केसीलाई नेपाल प्रहरीको ३४औँ महानिरीक्षकमा नियुक्त गर्ने निर्णय गरेको थियो ।
सरकारले यसअघि बहालवाला आईजीपी दानबहादुर कार्कीलाई जिम्मेवारीबाट हटाएर केसीलाई प्रहरी संगठनको नेतृत्वमा नियुक्त गरेको हो ।
कार्कीलाई भने प्रधानमन्त्रीको विशेष सुरक्षा सल्लाहकारको जिम्मेवारी दिइएको छ । सरकारको निर्णयपछि प्रहरी संगठनको नेतृत्व परिवर्तन भएको हो ।
यता, पदबाट हटाइएका कार्कीले सरकारको निर्णयविरुद्ध सर्वोच्च अदालत जाने र कानुनी लडाइँ लड्ने बताइसकेका छन् ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
