सेतो खबर
काठमाडौं । गृहमन्त्री सुधन गुरुङले जेनजी आन्दोलनलाई अपमान नगर्न पुराना राजनीतिक दलका नेताहरूलाई चेतावनी दिएका छन्।
जेनजी शहीद स्मृति दिवसका अवसरमा मंगलबार नयाँ बानेश्वरमा आयोजित कार्यक्रममा बोल्दै गृहमन्त्री गुरुङले जेनजी आन्दोलनलाई अपमान गर्नु भनेको देशका नागरिकको भावनाको अपमान गर्नु भएको बताए।
‘जेनजी आन्दोलनलाई अपमान गर्नु भनेको तीन करोड नेपालीको अपमान हो,’ उनले भने।
पुराना राजनीतिक दलका केही नेताहरूले जेनजी आन्दोलनलाई अझै पनि विभिन्न ढंगले व्याख्या गरिरहेको भन्दै गुरुङले आन्दोलनको इतिहास परिवर्तन गर्ने प्रयास नगर्न आग्रह गरे। उनका अनुसार आन्दोलनका क्रममा भएका घटनाहरू अब इतिहास बनिसकेका छन् र इतिहासलाई कसैले आफ्नो अनुकूल परिवर्तन गर्न नसक्ने बताए।
त्यो दिन इतिहास हो र इतिहास कसैले फेरेर फेरिँदैन। इतिहासलाई फेर्ने कोसिस पनि नगर्नुस्,’ उनले भने।
गृहमन्त्री गुरुङले पुरानो राजनीतिक सोच र कार्यशैलीबाट नयाँ नेपाल निर्माण सम्भव नहुने बताए। जेनजी आन्दोलनलाई अपमान गर्ने प्रयासले आन्दोलनमा सहभागी युवामात्र नभई समग्र नेपाली नागरिकको अपमान हुने उनको भनाइ थियो।
‘त्यही पुरानो सोचले नयाँ नेपाल तपाईंले बनाउन सक्नुहुन्न। अझै पनि समय छ, सुध्रिनुस्,’ उनले पुराना राजनीतिक दलका नेताहरूलाई आग्रह गर्दै भने।
उनले आफूहरू जेनजी आन्दोलनका क्रममा कुनै दलको सत्ता प्राप्तिको उद्देश्यले सडकमा नआएको दाबी गरे। भदौ २३ गतेको आन्दोलन सत्ताको लोभ वा शक्तिको घमण्डका कारण नभएको उनको भनाइ थियो।
‘भदौ २३ मा पनि हामी तपाईंको सत्ताको पछाडि थिएनौँ। न त हामीलाई सत्ताको लोभ नै छ, न त शक्तिको घमण्ड नै छ। अहिले पनि छैन,’ उनले भने।
गुरुङले रास्वपा सभापति रवि लामिछाने र प्रधानमन्त्री बालेन शाहले देशमा सुशासन कायम गर्ने उद्देश्यले आफूहरूलाई अगाडि सारेको बताए।
सरकारमा रहेर काम गर्दा आफूहरू निरन्तर जिम्मेवार र सचेत भएर अघि बढिरहेको उनले बताए। आफ्नो जिम्मेवारीमा कुनै कमजोरी नहोस् भन्ने विषयमा आफू निकै संवेदनशील रहेको उनको भनाइ थियो।
‘मलाई सुत्न पनि डर लाग्छ। कुनै दिन मेरोबाट कुनै कमजोरी पो भइहाल्ने हो कि, १०० दिनुपर्नेमा ९९ मात्र पो दिने हो कि भन्नेमा,’ उनले भने।
आफूले सक्दो इमानदारी र मेहनतका साथ काम गरिरहेको दाबी गर्दै गुरुङले जनताको अपेक्षा पूरा गर्न निरन्तर प्रयास गरिरहेको बताए।
गृहमन्त्रीको अभिव्यक्तिले जेनजी आन्दोलनको स्मरणका क्रममा पुराना राजनीतिक दल र नयाँ राजनीतिक शक्तिबीचको वैचारिक तथा राजनीतिक दूरी अझै कायम रहेको संकेत गरेको छ। आन्दोलनले उठाएका सुशासन, जवाफदेहिता र राजनीतिक परिवर्तनका मुद्दालाई संस्थागत रूपमा सम्बोधन गर्नुपर्ने आवश्यकता समेत उनले औँल्याएका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
