सेतो खबर
काठमाडौं । चीन सरकारका तर्फबाट नेपाललाई प्रदान गरिएको चौथो ब्याचको आपत्कालीन राहत सामग्री काठमाडौं आइपुगेको छ।
राहत सामग्री बोकेको चिनियाँ जनमुक्ति सेनाको वायुसेवाको वाई–२०ए विमान मंगलबार दिउँसो त्रिभुवन अन्तर्राष्ट्रिय विमानस्थलमा अवतरण गरेको हो।
विमानस्थलमा आयोजित राहत सामग्री हस्तान्तरण समारोहमा नेपालका लागि चिनियाँ राजदूत झाङ माओमिङ र विज्ञान, प्रविधि तथा नवप्रवर्तनमन्त्री महावीर पुन सहभागी थिए।
चीनबाट प्राप्त पछिल्लो राहत सामग्रीमा उद्धार कार्यमा प्रयोग हुने होभरक्राफ्ट, स्टेनलेस स्टिल पर्मानेन्ट म्याग्नेट फ्लड पम्प, थप ब्याट्री, मर्चरी फ्रिजर तथा सौर्य ऊर्जाबाट सञ्चालन हुने बत्तीहरू रहेका छन्।
नेपालमा बाढी, डुबान, पहिरोलगायतका प्राकृतिक विपद्का घटना हुने गरेका बेला आपत्कालीन उद्धार तथा राहत व्यवस्थापनका लागि आवश्यक उपकरणको भूमिका महत्वपूर्ण हुन्छ। चीनले नेपालको तत्कालीन आवश्यकतालाई ध्यानमा राखेर यी सामग्री उपलब्ध गराएको जनाएको छ।
प्राप्त उपकरण तथा सामग्रीले विपद् प्रभावित क्षेत्रमा खोज तथा उद्धार, पानी निकास, शव व्यवस्थापन तथा आपत्कालीन प्रकाश व्यवस्थापनमा सहयोग पुग्ने अपेक्षा गरिएको छ।
नेपालमा विपद्का बेला उद्धार तथा राहत कार्यलाई थप प्रभावकारी बनाउन आवश्यक उपकरण र प्रविधिको उपलब्धता बढाउनुपर्ने आवश्यकता रहँदै आएको छ। यस्तो अवस्थामा चीनबाट प्राप्त पछिल्लो सहयोगले नेपालको विपद् प्रतिकार्य तथा आपत्कालीन उद्धार क्षमता सुदृढ बनाउन योगदान पुग्ने विश्वास गरिएको छ।
चीनबाट यसअघि पनि नेपाललाई विभिन्न चरणमा आपत्कालीन राहत तथा मानवीय सहयोग उपलब्ध हुँदै आएको छ। चौथो ब्याचको सामग्री आगमनले नेपाल–चीनबीचको विपद् व्यवस्थापन तथा मानवीय सहकार्यलाई थप निरन्तरता दिएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
