सेतो खबर
काठमाडौं । सिटिजन लाइफ इन्स्योरेन्स कम्पनी लिमिटेडले अन्तर्राष्ट्रिय स्तरको गुणस्तर व्यवस्थापन प्रणाली ISO 9001:2015 प्रमाणिकरण प्राप्त गरेको छ। उक्त प्रमाणिकरण United Registrar of Systems (URS) तथा UKAS Management Systemsमार्फत प्रदान गरिएको कम्पनीले जनाएको छ।
कम्पनीका अनुसार यो प्रमाणिकरणले सेवा, सञ्चालन प्रक्रिया तथा व्यवस्थापन प्रणालीलाई विश्वस्तरीय मापदण्डअनुसार सञ्चालन गरिरहेको पुष्टि गरेको छ। यसले संस्थागत पारदर्शिता, दक्षता र निरन्तर सुधारको संस्कृतिलाई थप मजबुत बनाउने विश्वास गरिएको छ।
सिटिजन लाइफले ग्राहकलाई अझ भरपर्दो, छिटो तथा गुणस्तरीय सेवा प्रदान गर्ने प्रतिबद्धता दोहोर्याउँदै विशेषगरी बीमा दाबी भुक्तानी, ग्राहक सेवा प्रवाह तथा आन्तरिक व्यवस्थापन प्रणालीमा उच्च स्तरको अनुशासन र एकरूपता कायम हुने जनाएको छ।
कम्पनीले यस उपलब्धिले सेवा गुणस्तर, स्थिरता र ग्राहक विश्वास अभिवृद्धिमा महत्वपूर्ण योगदान पुर्याउने अपेक्षा गरेको छ। साथै, नियामक मापदण्डसँग थप सुसंगतता कायम गर्दै संस्थागत सुशासन सुदृढ हुने उल्लेख गरेको छ।
सिटिजन लाइफले यस प्रमाणिकरणलाई केवल औपचारिकतामा सीमित नराखी दीर्घकालीन सेवा उत्कृष्टता र ग्राहक सन्तुष्टिको आधारका रूपमा अघि बढ्ने प्रतिबद्धता व्यक्त गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
