सेतो खबर
पोखरा । पोखरा महानगरपालिकाले पोखरा अन्तर्राष्ट्रिय विमानस्थलदेखि अमरसिंहचोकसम्म आवतजावत गर्ने हवाई यात्रुका लागि सञ्चालन गरेको निःशुल्क सटल बस सेवाको सञ्चालन लागत कामना सेवा विकास बैंक ले समेत व्यहोर्ने भएको छ।
महानगरपालिकाले यात्रुहरुलाई भरपर्दो, विश्वसनीय तथा सुलभ यातायात सुविधा उपलब्ध गराउने उद्देश्यले उक्त सेवा सञ्चालनमा ल्याएको हो। महानगरको वडा नं. १४ स्थित पोखरा अन्तर्राष्ट्रिय विमानस्थलदेखि अमरसिंहचोकसम्म दैनिक दुई वटा विद्युतिय बस सञ्चालन हुनेछन्।
बिहान ६ बजेदेखि राति १० बजेसम्म सञ्चालन हुने सटल बसले यात्रुहरुलाई मुख्य सडकसम्म सहज रूपमा पुग्न सहयोग पुर्याउने विश्वास गरिएको छ। हाल विमानस्थलदेखि मुख्य सडकसम्म करिब २ किलोमिटर दूरी पार गर्नुपर्ने बाध्यता रहेकोले यात्रुहरुले सास्ती खेप्दै आएका थिए।
महानगरपालिकाले २०८३ साल असार मसान्तसम्म सम्पूर्ण यात्रुहरुलाई निःशुल्क सेवा उपलब्ध गराउने गरी योजना अघि बढाएको जनाएको छ। उक्त सेवाको लागत साझेदारी सम्बन्धी सम्झौतापत्रमा पोखरा महानगरपालिकाका तर्फबाट कार्यकारी अधिकृत ईश्वरीप्रसाद पोखरेल र कामना सेवा विकास बैंकका तर्फबाट पोखरा क्षेत्रीय प्रमुख शिवकुमार ढकाल ले हस्ताक्षर गरेका छन्।
सम्झौता हस्ताक्षर कार्यक्रममा बोल्दै क्षेत्रीय प्रमुख ढकालले स्थानीय सरकारले सर्वसाधारणको हितका लागि सञ्चालन गर्ने यस्ता योजनामा बैंकले सहकार्य गर्न पाएकोमा खुशी व्यक्त गर्दै आगामी दिनमा पनि महानगरसँग सहकार्य जारी रहने बताए।
त्यसैगरी, महानगरपालिकाका प्रशासकीय अधिकृत पोखरेलले निःशुल्क सटल बस सेवामा सहयोग गरेकोमा कामना सेवा विकास बैंकलाई धन्यवाद ज्ञापन गरे।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
