सेतो खबर
काठमाडौँ । कुमारी बैंक लिमिटेड ले आफ्नो मास्टरकार्ड सेवा औपचारिक रूपमा सार्वजनिक गर्दै डिजिटल बैंकिङ सेवामा महत्वपूर्ण विस्तार गरेको घोषणा गरेको छ। काठमाडौँमा आयोजित विशेष पत्रकार सम्मेलनमार्फत बैंकले बिहीबारदेखि आफ्ना ग्राहकका लागि डेबिट मास्टरकार्ड जारी गर्न सुरु गरेको जानकारी दिएको हो।
बैंकका प्रमुख कार्यकारी अधिकृत रामचन्द्र खनाल ले स्वागत मन्तव्य दिँदै बैंकको डिजिटल रूपान्तरण तथा ग्राहकमैत्री सेवामा कुमारी बैंकले लिँदै आएको अग्रसरताबारे प्रकाश पार्दै मास्टरकार्डजस्ता विश्वव्यापी भुक्तानी प्रणालीले बैंकको सेवा क्षमतामा थप विस्तार गर्ने बताए।
यसैगरी, प्रमुख डिजिटल बैंकिङ अधिकृत अनिश ताम्रकार ले मास्टरकार्डको महत्व, यसको प्रयोगका सम्भावना तथा ग्राहकलाई पुग्ने प्रत्यक्ष फाइदाबारे जानकारी दिए। उनका अनुसार, नयाँ डेबिट मास्टरकार्डमार्फत भौतिक तथा डिजिटल दुवै माध्यमबाट भुक्तानी अझ सरल र सुरक्षित हुनेछ।
बैंकका अनुसार, यो डेबिट मास्टरकार्ड नेपाल, भारत र भुटानका मास्टरकार्ड स्वीकार गर्ने एटिएम तथा पीओएसमा प्रयोग गर्न सकिनेछ। साथै, निकट भविष्यमै मास्टरकार्डको क्रेडिट कार्ड सेवा पनि सुरु गर्ने तयारी रहेको छ। मास्टरकार्डमार्फत अनलाइन तथा अन्तर्राष्ट्रिय भुक्तानी पनि सहज हुने बैंकले जनाएको छ।
ताम्रकारका अनुसार, बैंकले गत वर्षदेखि नै आफ्ना एटिएमहरूमा मास्टरकार्ड स्वीकार गर्दै आएको र अब आफ्नै कार्ड जारी गरेसँगै ग्राहक सेवा अझ प्रभावकारी हुने विश्वास लिएको छ।
२४ वर्षदेखि निरन्तर बैंकिङ सेवा दिँदै आएको कुमारी बैंकले देशभर रहेका २९७ शाखा, ३१५ एटिएम, ४६ एक्सटेन्सन काउन्टर तथा ४८ शाखारहित बैंकिङ इकाइमार्फत सेवा दिँदै आएको छ। आगामी दिनमा पनि विद्युतीय कारोबारलाई प्राथमिकता दिँदै अझ सरल, सुलभ र उत्कृष्ट सेवा विस्तार गर्ने प्रतिबद्धता बैंकले जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
