सेतो खबर
रामेछाप । मतदानका लागि खटाइएका कर्मचारीहरू सोमबार दुर्घटनामा परेपछि रामेछापको तीनवटा मतदान केन्द्रका लागि मंगलबार निर्वाचन सामग्री र थप कर्मचारी पठाइएको छ ।
रामेछाप नगरपालिकाको वडा नम्बर २ देउरालीको शीतलादेवी मावि र सिरुवारी मतदान केन्द्र तथा वडा नम्बर ३ को वडा कार्यालय भवन साँघुटारका लागि पठाइएका मतदान कर्मचारी र मतदान सामाग्री बोकेको गाडी सोमबार अपराह्न देउरालीको सिरुवारीमा दुर्घटनामा परेको थियो ।
दुर्घटनामा परी प्रहरी सहायक निरीक्षक परशुराम यादव र साँघु टारका मतदान अधिकृत डोरप्रसाद घिमिरेको मृत्यु भएको थियो । दुर्घटनामा अन्य सात जना कर्मचारीहरूलाई घाइते भएका छन् । काठमाडौं पठाइएका उनीहरूको सैनिक अस्पतालमा उपचार भइरहेको छ ।
मतदान अधिकृतको मृत्यु र कर्मचारीहरू घाइते भएपछि सो ठाउँमा अन्य कर्मचारी पठाइएको मुख्य निर्वाचन अधिकृतको कार्यालय रामेछापले जनाएको छ ।
ती मतदान केन्द्रमा पठाएका मतपत्र, मतपेटिका लगायतका निर्वाचन सामाग्री पनि क्षति भएका कारण त्यसको सट्टामा अन्य मतदान सामाग्री पठाइएको छ ।
यसैबिच दुर्घटनामा ज्यान गुमाएका घिमिरेको मंगलबार मन्थलीको तामाकोसी अन्त्येष्टि गरिएको छ । उनी रुद्राक्षेश्वर मावि मन्थली ७ मुगिटारका निमावि द्वितीय शिक्षक हुन् । मृतक प्रहरीका असई यादवको शव भने उनको गृह जिल्ला सप्तरी नै लगिएको छ ।
काठमाडौं । इरान र इजरायलबीच चर्किएको युद्ध (जसमा अमेरिका समेत संलग्न छ) ले नेपालजस्तो आयात र रेमिट्यान्समा निर्भर अर्थतन्त्रलाई ‘दोहोरो खतरा’ तर्फ धकेल्ने संकेत... विस्तृतमा
