सेतो खबर
काठमाडौँ । नेशनल लाइफ इन्स्योरेन्स कम्पनी लिमिटेडले लुम्बिनी प्रदेशका उत्कृष्ट अभिकर्ताहरुलाई विशेष सम्मान गरेको छ। लुम्बिनीस्थित होटल लुम्बिनी हेरिटेजमा प्रमुख कार्यकारी अधिकृत (CEO) सुरेश प्रसाद खत्रीको उपस्थितिमा आयोजित समारोहमा ३४० जना अभिकर्तालाई सिइओ क्लब सदस्यता तथा सम्मान प्रदान गरिएको कम्पनीले जानकारी दिएको छ।
आर्थिक वर्ष २०८१/८२ मा लक्ष्यअनुसार बीमाशुल्क संकलन गरी योग्यता प्राप्त गरेका अभिकर्ता, विभागीय प्रमुख, प्रदेश प्रमुख तथा शाखा प्रमुखहरूको सहभागितामा कार्यक्रम सम्पन्न भएको थियो।
समारोहमा सिइओ क्लब सदस्यतामा सुवर्ण योगदान गर्ने अभिकर्ताहरूलाई विशेष सम्मान, र व्यक्तिगत कोड तथा संजाल क्षेत्रमा प्रथम, द्वितीय र तृतीय स्थान हात पार्नेहरुलाई अतिरिक्त पुरस्कार प्रदान गरिएको थियो।
यसैगरी नेशनल रत्न तथा नेशनल स्टार अवार्ड विजेता अभिकर्ताहरूलाई नेशनल लाइफ लोगो अंकित चाँदीको मेडल, प्रमाणपत्र तथा खादा सहित सम्मान गरिएको थियो।
कार्यक्रमलाई सम्बोधन गर्दै प्रमुख कार्यकारी अधिकृत खत्रीले सिइओ क्लब कार्यक्रम देशभरको उत्कृष्ट अभिकर्ताहरुलाई प्रोत्साहन गर्ने सफल योजना भएको उल्लेख गर्दै १६०० भन्दा बढी अभिकर्ता यस क्लबमा छानिनु योजना सफलताको संकेत भएको बताए। उनले गण्डकी, कर्णाली र सुदूरपश्चिम प्रदेशमा सम्मान कार्यक्रम सम्पन्न भइसकेको र बाँकी प्रदेशमा पनि चाँडै कार्यक्रम गरिने जानकारी दिए।
समारोहमा अन्तर्राष्ट्रिय प्रशिक्षक विजय कुमार झाले अभिकर्ताहरुलाई प्रशिक्षण प्रदान गर्दै बीमा पेशा व्यवसाय मात्र नभई समाजप्रतिको सेवा–भावना जोडिएको पवित्र पेशा भएको बताए।
कार्यक्रममा सहभागी अभिकर्ताहरूले आफ्नो मेहनतको कदर गर्दै गरिएको सम्मानले पेशाप्रतिको उत्साह अझ बढेको प्रतिक्रिया दिएका छन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
