सेतो खबर
काठमाडौं । माछापुच्छ्रे बैंकले ग्राहकलाई थप सहज, छरितो तथा ग्राहककेन्द्रित बैंकिङ सेवा उपलब्ध गराउने उद्देश्यले नयाँ ग्राहक सेवामुखी च्याटबोट ‘माया’ सार्वजनिक गरेको छ।
बैंकका अनुसार ‘माया’ एक अन्तरक्रियात्मक डिजिटल माध्यम हो, जसबाट ग्राहकले बैंकिङ सेवासँग सम्बन्धित आफ्ना जिज्ञासा तथा प्रश्नहरू च्याटमार्फत राख्न सक्नेछन्। बैंकको आधिकारिक वेबसाइटमा ‘माया’को चिन्हमार्फत यो सेवा प्रयोग गर्न सकिने व्यवस्था गरिएको छ।
बैंकले नियमित बैंकिङ सेवासम्बन्धी जानकारी लिन ग्राहकले शाखामा पुग्नुपर्ने वा बैंकका कर्मचारीसँग प्रत्यक्ष सम्पर्क गर्नुपर्ने अवस्थालाई कम गर्ने उद्देश्यले च्याटबोट विकास गरिएको जनाएको छ। यसमार्फत ग्राहकले आवश्यक जानकारी सहज रूपमा प्राप्त गर्न सक्ने बैंकको भनाइ छ।
ग्राहकलाई प्राथमिकतामा राखेर विकास गरिएको ‘माया’ले प्रविधिको प्रभावकारी प्रयोगमार्फत बैंकिङ अनुभवलाई थप सहज र ग्राहकअनुकूल बनाउन सहयोग गर्ने बैंकले जनाएको छ। यसले बैंकलाई स्मार्ट बैंकिङ सेवातर्फ अघि बढाउनसमेत सहयोग पुग्ने अपेक्षा गरिएको छ।
बैंकका अनुसार ग्राहकका जिज्ञासालाई अझ सटीक, सान्दर्भिक र प्रभावकारी रूपमा सम्बोधन गर्न ‘माया’को क्षमता तथा कार्यसम्पादनमा निरन्तर सुधार र परिष्कृत गर्दै लगिनेछ।
ग्राहकबाट प्राप्त सुझाव तथा प्रतिक्रियालाई समेत च्याटबोटको सुधारमा प्रयोग गरिने बैंकले जनाएको छ। ग्राहकको प्रयोगबाट प्राप्त अनुभव र सुझावका आधारमा भविष्यमा ‘माया’को उपयोगिता तथा कार्यक्षमता थप विस्तार गर्दै लैजाने बैंकको योजना छ।
माछापुच्छ्रे बैंकको आधिकारिक वेबसाइटमा उपलब्ध ‘माया’मार्फत ग्राहकले बैंकिङसम्बन्धी आवश्यक जानकारी तथा जिज्ञासा राख्न सक्नेछन्।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
