सेतो खबर
काठमाडौं । नेशनल लाईफ इन्स्योरेन्स कम्पनी लिमिटेड र ग्राण्डी इन्टरनेशनल हस्पिटल बीच मेडिकल सेवा उपलब्ध गराउने सम्बन्धमा सम्झौता सम्पन्न भएको छ।
कम्पनीले आफ्ना बीमा प्रस्तावकलाई आवश्यक पर्ने स्वास्थ्य परीक्षण सेवा छिटो, छरितो र सहुलियत दरमा उपलब्ध गराउने तथा कर्मचारीलाई सहुलियत दरमा उपचार सेवा दिने उद्देश्यले उक्त सहकार्य गरेको हो। यो सम्झौता मिति २०८३/०१/०९ गते सम्पन्न भएको जनाइएको छ।
लाजिम्पाटस्थित कम्पनीको केन्द्रीय कार्यालयमा आयोजित कार्यक्रममा प्रमुख कार्यकारी अधिकृत सुरेश प्रसाद खत्री र हस्पिटलका मेडिकल डाइरेक्टर डा. विनोद विजुक्छेको उपस्थितिमा सम्झौता भएको हो। हस्पिटलका तर्फबाट चिफ अपरेटिङ अफिसर अमृत खन्ना र कम्पनीका प्रतिनिधिबीच हस्ताक्षर सम्पन्न गरिएको हो।
सम्झौताअनुसार बीमालेख खरिद गर्न चाहने प्रस्तावकका लागि आवश्यक मेडिकल जाँच सहुलियत दरमा छिटो उपलब्ध गराइनेछ भने कम्पनीका कर्मचारीलाई ग्राण्डी इन्टरनेशनल हस्पिटलमा उपचार सेवा लिँदा १० प्रतिशत छुट प्रदान गरिनेछ।
कम्पनीले यस सहकार्यबाट बीमा सेवा प्रक्रिया थप सहज र ग्राहकमैत्री बन्ने तथा सरोकारवालाले प्रत्यक्ष लाभ लिन सक्ने अपेक्षा गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
