सेतो खबर
हेटौंडा । जारी १८ औं एल. डी. काजी स्मृति गोल्ड कप फुटबल प्रतियोगितामा आजको खेलमा मकवानपुर एफसी नेपाल पराजित भएको छ । मकवानपुर एफसीलाई रेड पाण्डा फुटबल क्लबले रोमाञ्चक खेलमा ४–२ गोल अन्तरले पराजित गरेको हो ।
खेलको पहिलो हाफमै दुवै टोलीले आक्रामक प्रदर्शन गरे पनि रेड पाण्डा टोलीले उत्कृष्ट समन्वय र फिनिसिङ क्षमताको प्रदर्शन गर्दै अग्रता लिएको थियो । दोस्रो हाफमा मकवानपुर एफसीले दुई गोल फर्काउँदै खेलमा फर्कने प्रयास गरे पनि अन्ततः रेड पाण्डाले थप दुई गोल गर्दै जित सुनिश्चित ग¥यो ।
यस जितसँगै रेड पाण्डा टोली प्रतियोगिताको अर्को चरणमा प्रवेश गरेको छ भने मकवानपुर एफसी प्रतियोगिताबाट बाहिरिएको छ ।
प्रतियोगिता सिक्किमको सोरेङ जिल्लाको चाकुङमा जारी छ ।प्रतियोगितामा विजेता टोलीले नगद १० लाख रुपैयाँ प्राप्त गर्नेछ भने उपविजेताले ५ लाख रुपैयाँ पाउनेछ । मुख्य ट्रफीको फाइनल खेल ९ नोभेम्बर २०२५ मा हुने तय भएको छ, जसले प्रतियोगिताको अन्तिम विजेताको निर्णय गर्नेछ ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
