मुगुबासी ‘दलित’ ले छोएको औषधि खाँदैनन् !

मुगु । सोमबार दिन भरजसो सामाजिक सञ्जालमा एउटा वाक्य सहितको तस्बिर भाइरल बन्यो । उक्त भाइरल तस्बिर मुगुको सोरु गाउँपालिका स्थित खनायाँ स्वास्थ्य चौकीमा कार्यरत अनमी तुल्साकुमारी विश्वकर्माको थियो । तस्बिरकाे क्याप्सनमा लेखिएको थियो- दलितले छोएको औषधि नखाने भन्दै स्थानीयले गाउँ निकाला गरे ।

जातीय छुवाछुत सम्बन्धी यो तस्बिर’bout बुझ्न हामीले विश्कर्मालाई प्रत्यक्ष सम्पर्क गरेका थियौँ । तर, उनले आफूलाई गाउँलेहरूले निकाला नगरेको बताइन । ‘गाउँलेहरूले मैले छोएको औषधी नखाने र गाउँ निकाला गरे भन्ने कुराचाहिँ गलत हो,’ विश्वकर्माले भनिन् ‘तर केही मान्छेले भने दलितले छोएको औषधि नखाने भनेकै हुन् । यो कुरा एक-दुई महिना पहिलेकै हो ।

उनले उक्त कुरा आफूले घरपरिवारलाई भनेको स्वीकार गरिन । मुगुमा आएपछि स्वास्थ्य चौकी नजिकै कोठा सर्ने क्रममा परिवारसँग मात्रै सो कुरा गरेको थिए ‘मैले कहीँ कतै मिडियामा यस्तो कुरा गरेको थिइनँ । अहिले आएर कस्ले कसरी भाइरल गर्यो त्यो थाहा नभएको । मेरो घर दाङको तुल्सीपुर हो म मुगु आएको एक वर्ष भयो । मैले कोठा सार्ने कुरा आफ्नो घरमा गरेको थिएँ तुलसाले प्रष्ट पारिन ।

सोरु गाउँपालिकाका उपाध्यक्ष केशरबहादुर शाहीले उक्त घटना’bout जानकारी पाउने बित्तिकै आफू खनायाँ पुगेको र हिजाे मंगलबार विहान १० बजे जिल्लाका पत्रकार, प्रमुख जिल्ला अधिकारी, प्रनाउ,राजनैतिक दल र पीडित महिला सहित जिल्ला प्रशासन कार्यालयमा छलफल गरेको बताइन ।

छलफलमा पीडित भनिएकी महिलाले आफुलाई त्यस्तो कुनै दवाव नभएको बरु साँझ युवा केटाहरुले जिस्काइ दिने गरेको, घरवेटीले कोठा छोडन दवाव दिएको र यति दिन बस्दा केही नभन्ने अहिले आएर कोठा छोडन दवाव दिएपछि आफुले दलित भएकै कारण दवाव बढेको महसुस गरेको सुनाइन ।

तुल्साका घरवेटी स्वास्थ्य चौकी खनायाका इन्चार्ज सुरज शाही तुल्सा आफ्नै स्टाफ भएको र उनलाई आफैले आफ्नो घरको कोठा भाडामा दिएको हु उनी कुन जातिको हो मलाइ थाहा नहुने कही हुन्छ् । आफ्नो परिवार ठूलो भएकाले कोठा अपुग हुँदा उहालाइ कोठा खाली गर्न भनेका हौ ।

दलित अलानो फलानोको कुरै छैन कसरी यस्तो झुटो हल्ला फैलियो आफू छक्क परेको बताउछन । गाउँमा बस्ने कोठा अन्य घरमा नपाइएपछि अहिले तुल्सा सदरमुकाम गमगढी आएको, सदरमुकाम गमगढीबाट स्वास्थ्य चौकी खनाया पुग्न गाडीमा मात्र ४ घण्टा लाग्छ भनेको बेला गाडी पनि पाउदैन । उनी अब जागिर स्थलमा कसरी पुग्ने भनेर तनावमा छन् ।

खबर पाउनेबित्तिकै म त्यहाँ (खनायाँ स्वास्थ्य चौकी) पुगेको थिए । म तुल्साजीसँगै सदरमुकाम फर्किएको छु उपाध्यक्ष शाहीले भने तुलसाजी पनि मसँगै हुनुहुन्छ । उहाँको नम्बरमा धेरैको फोन आएपछि तनाव भएर अफ गर्नुभएको छ । बस्नको लागि खनाया गाउँमा नभए पनि नजिकको गाउँहरुमा व्यवस्था गर्छौ ।

विहान छलफल भयो घटना के हो बुझियो अझै प्रहरी प्रशासनले शुष्म अनुसन्धान गर्छ कोही दोषी देखिए र प्रकृया पुराएर कारवाहीको लागि निवेदन आए कानुन बमोजिमको कारवाही गरेरै छाड्छौ प्रमुख जिल्ला अधिकारी टोपेन्द्र केसी र डिएसपी विरेन्द्र थापाले प्रतिवद्धता व्यक्त गरेका छन् । यो खबर आजको राजधानि दैनिकले छापेको छ ।