कुवेतले ग-यो १२ हजार कामदारलाई देश निकाला

काठमाडौँ, २० कार्तिक ।  कुवेतले रेसिडेन्सी कानुन उल्लंघन गरेको भन्दै तीन महिनामा १२ हजार विदेशी कामदारलाई देश निकाला गरेको छ ।

रेसिडेन्सी ऐन र अन्य कानुन उल्लंघन गर्नेलाई नियन्त्रण गर्न सुधार सुविधा महाशाखासँग आबद्ध रहेको निर्वासन विभागले अगस्ट, सेप्टेम्बर र अक्टोबर महिनामा करिब १२ हजार महिला तथा पुरुषलाई देश निकाला गरेको सुरक्षा स्रोतले जनाएको छ ।

विभागले अक्टोबर महिनामा करिब ४ हजार ३ सय महिला तथा पुरुषलाई निकासी गरेको, जसमध्ये केही सार्वजनिक नैतिकता उल्लंघन गरेको वा आवास तथा श्रम कानुनको उल्लंघन गरेको र कतिपय सीमान्तकृत कामदार र फरार रहेको त्यहाँको गृह मन्त्रालयले जनाएको छ ।

उनीहरूले गृह मन्त्रालयका सबै क्षेत्रबाट सुरक्षा अभियान जारी रहने बताए । सार्वजनिक सुरक्षा, उद्धार र ट्राफिक क्षेत्रका सबै सुरक्षा गस्तीले सबै स्थानबाट र सुरक्षा तैनाथीबाट रेसिडेन्सी कानुन उल्लंघन गर्नेहरूलाई पक्राउ गर्न काम गरिरहेको स्रोतले पुष्टि गरेको छ ।

साथै, रेसिडेन्सी मामिला अनुसन्धान महाशाखाले रेसिडेन्सी ऐन उल्लंघन गर्ने, फरार व्यक्ति र वान्टेड व्यक्तिको खोजी गरी देश निकाला गर्न देशभर ठुला सुरक्षा अभियान सञ्चालन गरेको स्रोतले जनाएको छ ।

उनीहरूले देश निकाला भएका व्यक्तिलाई नियम कानुन उल्लंघन गरेकाले फेरि स्वदेश फर्किने अधिकार नरहेको बताए । आन्तरिक मामिलाको अनुसन्धान विभागले गृह मन्त्रालयका वरिष्ठ सुरक्षा नेतृत्वको प्रत्यक्ष निर्देशनमा उल्लंघन गर्नेहरूलाई पक्राउ गर्न ठुलो प्रयास गरिरहेको स्रोतले पुष्टि गरेको छ ।

उनीहरूले विगत अगस्ट र सेप्टेम्बर महिनामा करिब ७ हजार ६ सय ८५ पुरुष र महिला उल्लंघनकर्तालाई निकासी गरेको र अक्टोबरमा मात्रै, सार्वजनिक नैतिक उल्लंघन, बसोबास र श्रम कानुन उल्लंघनलगायत विभिन्न अपराधमा करिब ४ हजार ३ सय बासिन्दालाई निर्वासन गरिएको जनाएको छ ।

यो गृह मन्त्रालयको सुरक्षा क्षेत्रद्वारा गरिएका प्रमुख प्रयासको एक हिस्सा हो । तीव्र गतिमा, निर्वासन विभागले उल्लंघन गर्नेहरूलाई निर्वासन प्रक्रियालाई सहज बनाउन काम गरिरहेको जनाएको छ ।

कानुन उल्लंघन गर्नेहरूलाई पक्रने कार्यहरू देशभर तीव्र गतिमा जारी रहने गृह मन्त्रालयले जनाएको छ । रेसिडेन्सी मामिला अनुसन्धानको सुरक्षा विभागका अनुसार आप्रवासीलाई उनीहरूको बसोबासको म्याद सकिएको वा श्रम कानुनको उल्लंघनका कारणले देश निकाला गरिएको जनाएको छ ।

कुवेतले विभिन्न समयमा गैरकानुनी रूपमा बस्दै आएका नेपालीसहित विदेशी नागरिकलाई कानुनी प्रक्रिया पूरा गरी कुवेतमै बस्न वा सीमित जरिमाना तिरेर आआफ्नो मुलुक फर्किन दिएको समय सीमामा पनि नफर्किएकाविरुद्ध कडा कदम चाल्दै गिरप्mतार कार्य जारी राख्ने जनाएको छ ।

पछिल्लो समय कुवेतमा कानुन उल्लंघन, लागूऔषध दुव्र्यसन र ओसारपसार गरेको आरोपमा पक्राउ परेका नेपालीलाई जेलमा राखिएको र जेल सजाय सकिएपछि देश निकाला गरिँदै आएको बताइएको छ । विभिन्न पेसामा गरी कुवेतमा करिब ७० हजार नेपाली कामदार कार्यरत रहेको पाइन्छ । यो खबर आजको राजधानि दैनिकले छापेको छ ।