सेतो खबर
काठमाडौं । जिल्ला अदालत काठमाडौंले मेडिकल व्यवसायी दुर्गा प्रसाईंलाई विद्युतीय कारोबारसम्बन्धी कसुरमा २ लाख रुपैयाँ धरौटीमा रिहा गर्न आदेश दिएको छ।
जिल्ला न्यायाधीश उमेशप्रसाद लुइँटेलको इजलासले मंगलबार प्रसाईंलाई धरौटीमा रिहा गर्न आदेश दिएको हो। अदालतको आदेशपछि आवश्यक प्रक्रिया पूरा गरी उनी रिहा हुनेछन्।
प्रसाईंलाई असार १२ गते नेपाल प्रहरीको साइबर ब्युरोले पक्राउ गरेको थियो। राष्ट्रिय स्वतन्त्र पार्टीकी सांसद रचना खतिवडाले दिएको उजुरीका आधारमा उनीविरुद्ध विद्युतीय कारोबार ऐनअन्तर्गत मुद्दा दर्ता गरिएको थियो।
प्रहरीका अनुसार प्रसाईंले युट्युबमार्फत सांसद खतिवडाको छोराको मृत्यु र उनको सांसद पदलाई जोडेर अपमानजनक तथा आपत्तिजनक अभिव्यक्ति दिएका थिए। सोही विषयलाई लिएर उनीविरुद्ध साइबर अपराधसम्बन्धी अनुसन्धान अघि बढाइएको थियो।
अनुसन्धानपछि प्रहरीले प्रसाईंविरुद्ध मुद्दा अघि बढाएको थियो। अदालतमा भएको सुनुवाइपछि जिल्ला अदालतले उनलाई २ लाख रुपैयाँ धरौटीमा रिहा गर्न आदेश दिएको हो।
धरौटीमा रिहा गर्ने आदेशसँगै प्रसाईंमाथिको मुद्दा भने अन्त्य भएको छैन। मुद्दाको बाँकी कानुनी प्रक्रिया अदालतमा जारी रहनेछ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
