सेतो खबर
काठमाडौं । नेपाल सरकारको मुख्य सचिवमा गोविन्दबहादुर कार्की नियुक्त भएका छन्।
बुधबार बसेको मन्त्रिपरिषद् बैठकले प्रधानमन्त्री तथा मन्त्रिपरिषद् कार्यालयका सचिव कार्कीलाई मुख्य सचिवमा नियुक्त गर्ने निर्णय गरेको हो। सरकारका प्रवक्ता तथा शिक्षा तथा खेलकुदमन्त्री सस्मित पोखरेलले मन्त्रिपरिषद्को निर्णय सार्वजनिक गर्दै कार्कीको नियुक्तिबारे जानकारी दिएका हुन्।
कार्की २०८१ भदौ २० गते नेपाल सरकारको सचिवमा बढुवा भएका थिए। सचिव बनेको करिब २२ महिनामै उनी मुलुकको उच्चतम निजामती पद मुख्य सचिवमा पुग्न सफल भएका छन्।
कार्की प्रधानमन्त्री तथा मन्त्रिपरिषद् कार्यालयमा रहँदा कर्मचारी प्रशासन, सुशासन र प्रशासनिक सुधारका विषयमा सक्रिय भूमिका निर्वाह गर्दै आएका थिए। बालेन सरकार गठनपछि तयार गरिएको सय बुँदे कार्ययोजनाअन्तर्गत प्रशासनिक सुधार, पुनर्संरचना तथा मितव्ययितालाई प्राथमिकतामा राख्दै मन्त्रालयको संख्या १७ मा सीमित गर्ने लक्ष्य तय गरिएको थियो।
यसै लक्ष्यअनुसार चैत २२ गते बसेको मन्त्रिपरिषद् बैठकले नेपाल सरकारअन्तर्गतका सबै मन्त्रालय, सचिवालय, आयोग तथा मातहतका निकायहरूको संगठन तथा व्यवस्थापन (ओएन्डएम) सर्वेक्षण गर्न पूर्वस्वीकृति दिएको थियो।
उक्त निर्णय कार्यान्वयनका लागि प्रधानमन्त्री तथा मन्त्रिपरिषद् कार्यालयका तत्कालीन सचिव कार्कीको नेतृत्वमा ६ सदस्यीय पुनर्संरचना व्यवस्थापन सचिवालय गठन गरिएको थियो। सचिवालयले सरकारी संरचना पुनर्संरचना, प्रशासनिक दक्षता अभिवृद्धि तथा सरकारी खर्चमा मितव्ययिता कायम गर्ने विषयमा अध्ययन र समन्वयको जिम्मेवारी पाएको थियो।
मुख्य सचिव नियुक्त भएसँगै कार्कीले अब संघीय निजामती प्रशासनको नेतृत्व गर्दै सरकारी नीति कार्यान्वयन, प्रशासनिक सुधार, सुशासन प्रवर्द्धन तथा सार्वजनिक सेवा प्रवाहलाई थप प्रभावकारी बनाउने जिम्मेवारी सम्हाल्नेछन्।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
