सेतो खबर
काठमाडौं । चीनले विकास गरेको नयाँ पुस्ताको हाई–स्पिड ट्रेन ‘सीआर४५०’ ले परीक्षणका क्रममा प्रतिघण्टा ४५० किलोमिटरको गति हासिल गरेको छ । यसले चीनको उच्चस्तरीय उत्पादन क्षमता र प्रविधि नवप्रवर्तनलाई थप सुदृढ बनाएको बताइएको छ ।
चीन रेल्वे विज्ञान एकेडेमीका प्रमुख अनुसन्धानकर्ता झाओ होङवेइका अनुसार सन् २०२५ देखि सुरु भएको सीआर ४५० परियोजनामा उल्लेखनीय प्रगति भएको छ । हालसम्म ट्रेनले करिब ३ लाख किलोमिटर परीक्षण यात्रा पूरा गरिसकेको छ र मूल्याङ्कन प्रक्रियाको आधाभन्दा बढी काम सम्पन्न भइसकेको छ ।
पुरै रूपमा स्वदेशी बौद्धिक सम्पत्ति अधिकारसहित विकास गरिएको यो ट्रेनमा करिब ४० हजारभन्दा बढी पार्टपुर्जा र विभिन्न नियन्त्रण प्रणाली समावेश छन् । यस परियोजनाले मेसिनरी, धातु, इलेक्ट्रोनिक्स तथा रसायन उद्योगलगायत विभिन्न क्षेत्रलाई समेत प्रोत्साहन दिएको छ ।
चीनका उद्योग तथा सूचना प्रविधि मन्त्री ली लेछेङले वैज्ञानिक उपलब्धिलाई औद्योगिक प्रगतिमा रूपान्तरण गर्ने नीति अघि बढाइएको बताउँदै प्रविधि र उद्योगबीचको समन्वय अझ सुदृढ गरिने बताएका छन् । सीसीटीभी
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
