सेतो खबर
काठमाडौं । काठमाडौंको चप्पल कारखाना नजिकै चक्रपथ क्षेत्रमा सडकमा हिँडिरहेका एक कमजोर शारीरिक अवस्थाका वृद्धमाथि निर्घात कुटपिट गर्ने चालक पक्राउ परेका छन्।
बा.३ च ११०३ नम्बरको जीपबाट झरेर वृद्धमाथि मुक्का बर्साउने पारस बमलाई ट्राफिक प्रहरीले नियन्त्रणमा लिएको हो।
सोमबार बिहान घटनाको भिडियो सामाजिक सञ्जालमा सार्वजनिक भएपछि व्यापक आक्रोश फैलिएको थियो। भिडियोमा ती चालकले ‘ए जँडिया के भन्या ओई तैँले’ भन्दै वृद्धलाई गाली गर्दै टाउकोमा पटक–पटक मुक्का हानेको देखिन्छ। चालकसँगै रहेकी एक महिला पनि वृद्धलाई गाली गर्दै आक्रामक रूपमा प्रस्तुत भएकी थिइन्।
घटनापछि सामाजिक सञ्जालमा दोषीमाथि कडा कारबाहीको माग उठेको थियो।
जिल्ला प्रहरी परिसर काठमाडौंका प्रवक्ता प्रहरी उपरीक्षक पवन भट्टराईले कुटपिटमा संलग्न व्यक्तिलाई नियन्त्रणमा लिइसकेको पुष्टि गर्दै घटनाबारे थप अनुसन्धान भइरहेको जानकारी दिए।
प्रहरीले सार्वजनिक शान्ति भंग तथा अभद्र व्यवहारसम्बन्धी कसुरअन्तर्गत आवश्यक कानुनी प्रक्रिया अघि बढाइने जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
