सेतो खबर
काठमाडौं । कुमारी बैंक लिमिटेड ले अन्तर्राष्ट्रियस्तरमा मान्यता प्राप्त ISO/IEC 27001:2022 सूचना सुरक्षा व्यवस्थापन प्रणाली (ISMS) प्रमाणपत्र प्राप्त गरेको छ। उक्त प्रमाणपत्रले बैंकको सूचना सुरक्षा नीति, प्रक्रिया तथा नियन्त्रणहरू अन्तर्राष्ट्रिय मापदण्डअनुरूप रहेको पुष्टि गरेको छ।
ISO/IEC 27001:2022 मापदण्डअन्तर्गत ९३ वटा नियन्त्रणहरू समावेश छन्, जसलाई Organizational (३७), People (८), Physical (१४) र Technological (३४) गरी चार समूहमा विभाजन गरिएको छ। यी नियन्त्रणहरूको प्रभावकारी कार्यान्वयन स्वतन्त्र बाह्य अडिटमार्फत मूल्याङ्कन गरी प्रमाणपत्र प्रदान गरिन्छ।
बैंकका अनुसार यस उपलब्धिले सूचना सुरक्षा जोखिम पहिचान, मूल्याङ्कन तथा व्यवस्थापन गर्ने संस्थागत क्षमता सुदृढ रहेको देखाएको छ। साथै, ग्राहकहरूको तथ्याङ्क सुरक्षित राख्ने, गोपनीयता कायम गर्ने, आवश्यकताअनुसार उपलब्ध गराउने तथा अनधिकृत पहुँचबाट जोगाउने प्रणाली अन्तर्राष्ट्रिय मापदण्डअनुसार कार्यान्वयन गरिएको पुष्टि भएको छ।
डिजिटल बैंकिङ सेवाको विस्तारसँगै साइबर सुरक्षा र डाटा गोपनीयता प्रमुख प्राथमिकता बनेको सन्दर्भमा बैंकले मोबाइल बैंकिङ, इन्टरनेट बैंकिङ, कार्ड सेवा तथा आन्तरिक प्रणालीहरूमा उच्चस्तरीय सुरक्षा उपायहरू लागू गरेको जनाएको छ।
यस अवसरमा बैंकका प्रमुख कार्यकारी अधिकृत रामचन्द्र खनाल ले ग्राहकको विश्वास नै बैंकिङ सेवाको आधार भएको उल्लेख गर्दै सुरक्षित र विश्वसनीय बैंकिङ वातावरण सुनिश्चित गर्न प्रविधि, जनशक्ति तथा प्रक्रियामा निरन्तर लगानी गरिने बताए।
बैंकले नियमित जोखिम मूल्याङ्कन, कर्मचारी सचेतना कार्यक्रम, सुरक्षा परीक्षण तथा निरन्तर निगरानी प्रणालीमार्फत सम्भावित साइबर जोखिमहरूको रोकथाम, पहिचान र व्यवस्थापन गर्दै आएको छ। साथै, सूचना सुरक्षालाई निरन्तर सुधारको प्रक्रियाका रूपमा लिँदै आगामी दिनमा पनि अन्तर्राष्ट्रिय उत्कृष्ट अभ्यास तथा नियामक मापदण्डअनुरूप सुरक्षा संयन्त्र थप सुदृढ गर्ने प्रतिबद्धता जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
