सेतो खबर
ललितपुर । ललितपुरका विद्यार्थी र अभिभावकलाई अन्तर्राष्ट्रिय स्तरको शैक्षिक अवसर उपलब्ध गराउन ईक्यान ललितपुर (ECAN Lalitpur) ले ‘ईक्यान ललितपुर नेक्स्टजेन ग्राण्ड एजु एक्स्पो २०२५’ आयोजना गर्ने भएको छ। आइतबार ललितपुरको थासाङ घरमा पत्रकार सम्मेलन गरी उक्त एक्स्पोको तयारीबारे जानकारी दिइएको हो।
भदौ ११ गते (२७ अगस्ट २०२५) कुपण्डोलस्थित होटल हिमालयमा हुने यो एक्स्पो “Inspiring Dreams, Guiding Futures — Together” नाराका साथ सञ्चालन हुनेछ।
पत्रकार सम्मेलनमा ईक्यान ललितपुरका सचिव सनम महर्जनले यस एक्स्पोले विद्यार्थीलाई घरमै विश्वस्तरीय शैक्षिक विकल्प पाउन सहज बनाउने र अभिभावकलाई विश्वासिलो जानकारी प्राप्त गर्न सहयोग पुग्ने बताए। त्यस्तै, अध्यक्ष अरविन्द कुमार सिंहले शिक्षा जीवनको ठूलो लगानी भएको भन्दै विद्यार्थी र अभिभावकलाई Queries, Doubts and Dreams लिएर कार्यक्रममा सहभागी हुन आह्वान गरे।
यस महोत्सवमा अष्ट्रेलिया, न्यूजील्यान्ड, बेलायत, अमेरिका, यूएई, साइप्रस, मलेशिया, भारत र नेपालका प्रतिष्ठित विश्वविद्यालय तथा कलेजका प्रतिनिधि सहभागी हुनेछन्। सहभागी संस्थानहरूमा युनिभर्सिटी अफ वैकाटो, युनिभर्सिटी अफ अकल्याण्ड, रोयल रोड्स युनिभर्सिटी, लिभरपुल जोन मुरेस युनिभर्सिटी, वेब्स्टर युनिभर्सिटी, एनएपीएस, एसएएचई, यूक्लान युनिभर्सिटी–साइप्रस, शूलिनी युनिभर्सिटी (भारत), एआइटीएम कलेज, द वेस्टमिनिस्टर कलेज लगायतका प्रतिष्ठित नाम रहेका छन्। साथै, अष्ट्रेलियाका Queensford College र Fusion College of Technology पनि सहभागी हुनेछन्।
कार्यक्रम भदौ ११ गते बिहान १० बजे देखि बेलुकी ५ बजेसम्म सञ्चालन हुनेछ। कार्यक्रममा ईक्यान ललितपुरका कार्यसमिति, केन्द्रीय समिति प्रतिनिधि तथा शैक्षिक क्षेत्रमा संलग्न विज्ञहरूको उपस्थिति रहनेछ।
काठमाडौं । भावी प्रधानन्यायाधीश नियुक्तिका लागि सिफारिस गर्ने उद्देश्यले आज संवैधानिक परिषद्को बैठक बस्दैछ। परिषद्का अध्यक्ष तथा प्रधानमन्त्री बालेन्द्र शाह... विस्तृतमा
