सेतो खबर
पर्थ । अष्ट्रेलियाको पर्थमा नेपाली समुदायलाई लक्षित गरी एक भव्य परिवारमैत्री सांगीतिक कार्यक्रम आयोजना हुने भएको छ। फोरइ इभेन्टस्ले मार्च २ तारिख, आइतबार, आयोजना गर्न लागेको उक्त कार्यक्रममा नेपालका चर्चित गायकहरू शिव परियार, नेपाल आइडल विजेता करण परियार, प्रथम रनरअप सलोमी गुरुङ लगायतका कलाकारहरूले प्रस्तुति दिनेछन्। कार्यक्रमलाई अझ रोमान्चक बनाउन लोकप्रिय मोडेल तथा अभिनेत्री झरना रिसालको धमाकेदार प्रस्तुति पनि रहनेछ।
कार्यक्रम पर्थको सर्वियन हलमा दिउँसो ३ बजे सुरु भई राति ८ः३० बजे समाप्त हुनेछ। फोरइ इभेन्टस्ले यस कार्यक्रमलाई सम्पूर्ण परिवारका लागि रमाइलो बनाउन विविध आकर्षक गतिविधिहरू पनि समावेश गरेको छ। बच्चाहरूका लागि निःशुल्क फेस पेन्टिङ, जादू शो, आइसक्रिम पार्लर, खेलौनाको प्रदर्शनी तथा नेपाली परिकारहरूको स्वाद लिने अवसरसमेत प्रदान गरिनेछ।
फोरइ इभेन्टस् सह–संस्थापक भुवन खड्काले नेपाली समाजको चाहना अनुसार कलाकारहरुलाई अष्ट्रेलियामा झिकाएको बताए । उनले उक्त सांगितिक कार्यक्रमहरुले नेपालीहरुको मन जित्न सफल हुने दाबी गरे। सबैलाई कन्सर्टमा सहभागी भई कार्यक्रम भब्य र सफल बनाउन उनले आग्रह गरे ।
‘कार्यक्रम अपराह्न ३ बजे सुरु भएर राति ८ः३० बजे सकिने भएकाले परिवार र बच्चाहरूका लागि उपयुक्त छ, ‘खड्काले भने, ‘सबैभन्दा ठूलो र भब्य नेपाली म्युजिक फेष्टिवल हुनेछ ।’
अर्का सह–संस्थापक सन्दीप अधिकारीले पनि उच्च स्तरको संगीत, स्टेज प्रोडक्सन, र कार्यक्रमको वातावरण अविस्मरणीय रहने बताए।
कार्यक्रमको सफलताका लागि विभिन्न साझेदार संस्थाहरूले सहयोग गरेका छन्। सह–संस्थापक सुमन सञ्जेलले फुड पार्टनर, डेर्जर्ट पार्टनर, मिडिया पार्टनर तथा कम्युनिटी पार्टनरहरूलाई धन्यवाद दिएका छन्।
कार्यक्रमलाई इ–प्लानेट इन्टरनेशनलले मुख्य प्रायोजन गरेको छ भने लिटिल म्याजिक मोमो फुड पार्टनर रहेको छ ।
कार्यक्रमलाई अझ भब्य बनाउन कुल्फिलिसियोस्, इलौरा कलेज, द दरबार इन्डियन नेप्लिज रेष्टुरेन्ट, इबुलेट सर्भिस, आइएसएम एकाउण्ट एण्ड एड्भाइजर तथा द वेष्ठ रियालिटि ग्रुप को–प्रायोजकका रूपमा सहभागी रहेका छन्।
सारंगी इन्टरनेशनल तथा नेप्को ग्रुपले अतिथिहरूको अष्ट्रेलिया टुर व्यवस्थापन गरेको छ भने थुप्रै कम्यूनिटि पार्टनरहरुको पनि सहयोग रेहको छ ।
नेपाली संगीतप्रेमी तथा परिवारलाई लक्षित यो कार्यक्रम पर्थमा बसोबास गर्ने नेपाली समुदायका लागि उत्साहजनक तथा रमाइलो अवसर बन्ने अपेक्षा गरिएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
