सेतो खबर
काठमाडौं । प्रहरी महानिरीक्षक (आईजीपी) पदबाट हटाइएका दानबहादुर कार्कीले दायर गरेको रिट निवेदन सर्वोच्च अदालतमा दर्ता भएको छ ।
सरकारको निर्णय उत्प्रेषणको आदेशले बदर गरी आफूलाई आईजीपीमा पुनर्बहाली गर्न माग गर्दै कार्कीले बिहीबार सर्वोच्चमा रिट पेस गरेका थिए । उक्त रिट आज दर्ता भएको हो ।
कार्कीले आफूलाई सुनुवाइको मौका नदिई कुनै आधार र कारणबिना गैरकानुनी रूपमा प्रहरी प्रमुखबाट हटाइएको दाबी गरेका छन् । उनले सरकारको निर्णय कार्यान्वयन रोक्न र आफूलाई पूर्ववत् पदमा पुनर्बहाली गर्न पनि माग गरेका छन् ।
रिट दर्ता भए पनि सुनुवाइका लागि पेसी भने तय हुन बाँकी छ । मन्त्रिपरिषद्को कात्तिक १८ गतेको निर्णयअनुसार कार्कीलाई आईजीपीबाट पदमुक्त गरी प्रधानमन्त्रीको सुरक्षा सल्लाहकार नियुक्त गरिएको थियो ।
गत वर्ष सम्पन्न प्रतिनिधिसभा निर्वाचनका लागि नियुक्त भएका निर्वाचन प्रहरीको पोशाक खरिद र पत्रकार पक्राउ प्रकरणमा उनी विवादमा तानिएका थिए ।
साथै प्रधानमन्त्री कार्यालयले अनुसन्धानमा रहेका गोप्य सूचना लिक भएको विषयमा छानबिन गर्न भनेकोमा त्यसैलाई आधार बनाई उनले आफ्ना विरोधी पत्रकारमाथि धरपकड गरेका थिए ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
