सेतो खबर
काठमाडौं । राष्ट्रिय प्रजातन्त्र पार्टी (राप्रपा) संसदीय दलका नेता ज्ञानेन्द्र शाहीले जेनजी आन्दोलनका दोषीलाई पक्राउ गर्न नसके सरकार चलाउने नैतिक आधार नरहने बताएका छन्।
प्रतिनिधिसभाको बैठकमा बोल्दै शाहीले सरकार गठन भएको ६ महिना बितिसक्दा पनि आन्दोलनका दोषीमाथि कारबाही हुन नसकेको भन्दै सरकारको आलोचना गरे।
राष्ट्रिय मानव अधिकार आयोगले प्रतिवेदन बुझाइसक्दा समेत दोषी पक्राउ नपरेको भन्दै उनले सरकारको कार्यशैलीप्रति प्रश्न उठाए। उनले दोषीलाई पक्राउ गरी पीडित परिवारलाई न्यायको अनुभूति दिलाउन सरकारसँग आग्रह गरे।
सत्तामा बसेर दोषीमाथि कारबाही गर्न नसक्ने हो भने पदमा बसिरहनुको औचित्यमाथि नै प्रश्न उठ्ने उनको भनाइ थियो।
शाहीले जेनजी आन्दोलनमा दोषी देखिएका व्यक्तिलाई सत्तापक्ष वा प्रतिपक्ष नभनी पक्राउ गरी कानुनी कारबाही गर्नुपर्नेमा जोड दिए।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
