सेतो खबर
काठमाडौं । मुक्तिनाथ विकास बैंक लिमिटेडले आफ्ना ग्राहकलाई लक्षित गर्दै कृषि तथा साना तथा मझौला उद्यम (एसएमई) कर्जामा विशेष सुविधा सार्वजनिक गरेको छ। तीज, दशैं, तिहार तथा छठ लगायतका चाडपर्वलाई लक्षित गर्दै बैंकले व्यवसाय विस्तार तथा आर्थिक गतिविधिलाई प्रोत्साहन गर्ने उद्देश्यले यो योजना ल्याएको जनाएको छ।
बैंकका अनुसार विशेष योजनाअन्तर्गत कृषि, व्यवसाय तथा एसएमई क्षेत्रमा प्रवाह हुने विभिन्न कर्जा शीर्षकमा Base Rate मा प्रकाशित Premium Rate मात्र थप गरी कर्जा उपलब्ध गराइनेछ। यसअन्तर्गत कृषि तथा एसएमई कर्जामा ग्राहकले न्यूनतम ०.५० प्रतिशत Premium Rate मा नै कर्जा प्राप्त गर्न सक्नेछन्।
त्यसैगरी, ग्राहकलाई थप सहुलियत दिने उद्देश्यले कर्जा प्रवाह गर्दा लाग्ने Loan Administrative Charge मा समेत २५ प्रतिशत छुट प्रदान गरिने बैंकले जनाएको छ।
बैंकले चाडपर्वको समयमा व्यवसाय विस्तार, उद्यम सञ्चालन तथा ग्राहकको वित्तीय आवश्यकता पूरा गर्न यो योजनाले सहयोग पुर्याउने विश्वास व्यक्त गरेको छ। विशेषगरी कृषि तथा साना तथा मझौला व्यवसाय सञ्चालन गरिरहेका वा व्यवसाय विस्तार गर्न चाहने उद्यमीलाई आवश्यक वित्तीय स्रोत जुटाउन योजना उपयोगी हुने बैंकको भनाइ छ।
यस योजनाअन्तर्गत कृषि तथा एसएमई व्यवसाय विस्तार, नयाँ उद्यम सञ्चालन, कार्यशील पूँजी व्यवस्थापन तथा सम्बन्धित प्रयोजनका लागि आवश्यक कर्जा लिन सकिनेछ। साथै, अन्य बैंक तथा वित्तीय संस्थाबाट लिइएको कर्जा SWAP गर्न चाहने ग्राहकले समेत यस सुविधाको लाभ लिन सक्ने बैंकले जनाएको छ।
बैंकका अनुसार यो विशेष कर्जा सुविधा सीमित अवधिका लागि मात्र उपलब्ध हुनेछ। ग्राहकले आफूलाई आवश्यक पर्ने कर्जा तथा सुविधाबारे विस्तृत जानकारी बैंकका सम्बन्धित शाखाबाट प्राप्त गर्न सक्नेछन्।
मुक्तिनाथ विकास बैंकले देशभर रहेका आफ्ना १७६ वटै शाखामार्फत यो कर्जा सुविधा उपलब्ध गराउने जनाएको छ। इच्छुक ग्राहकलाई आफ्नो नजिकको शाखामा सम्पर्क गरी सम्बन्धित कर्जा उत्पादन, लागू हुने ब्याजदर, आवश्यक कागजात, कर्जा प्रक्रिया तथा अन्य शर्तबारे जानकारी लिन बैंकले आग्रह गरेको छ।
बैंकले चाडपर्वको समयमा बढ्ने व्यावसायिक गतिविधि तथा वित्तीय आवश्यकतालाई ध्यानमा राख्दै ल्याएको यो योजनाले कृषि, उद्यमशीलता र साना तथा मझौला व्यवसायको विस्तारमा योगदान पुग्ने अपेक्षा गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
