सेतो खबर
काठमाडौं । तेस्रो संस्करणको ‘राष्ट्रिय घर निर्माण फेस्ट–२०८३’ को टाइटल स्पोन्सरमा नेक्सटाइल्स जोडिएको छ। आगामी पुस ९ देखि १२ गतेसम्म काठमाडौंको भृकुटीमण्डपमा आयोजना हुने फेस्टका लागि नेक्सटाइल्स र आयोजक घर निर्माण फाउन्डेसनबीच सम्झौता भएको हो।
पशुपति सेरामिक्सको उत्पादनका रूपमा रहेको नेक्सटाइल्स निर्माण क्षेत्रमा आएको नयाँ ब्रान्ड हो। छिट्टै नेपाली बजारमा सार्वजनिक गर्ने तयारी गरिएको नेक्सटाइल्स आधुनिक डिजाइन, प्रिमियम फिनिसिङ र उच्च गुणस्तरमा आधारित रहेको कम्पनीले जनाएको छ। पशुपति सेरामिक्सले नेक्सटाइल्स ब्रान्डअन्तर्गत भिट्रिफाइड टायलको सिरिज सार्वजनिक गर्ने तयारी गरेको छ।
कम्पनीका अनुसार नेक्सटाइल्सका टायल आवासीय तथा व्यावसायिक भवनका लागि उपयुक्त हुनेछन्। नयाँ ब्रान्डलाई नेपाली बजारमा स्थापित गर्ने तयारी भइरहेका बेला राष्ट्रिय घर निर्माण फेस्टसँगको सहकार्यलाई कम्पनीले महत्वपूर्ण अवसरका रूपमा लिएको छ।
निर्माणसम्बन्धी नेपालको ठूलो मेलाका रूपमा स्थापित हुँदै आएको राष्ट्रिय घर निर्माण फेस्टले निर्माण व्यवसायलाई आधुनिक प्रविधि र नयाँ सोचसँग जोड्ने उद्देश्य राखेको आयोजकले जनाएको छ। निर्माण तथा व्यावसायिक गतिविधि बढ्दै गए पनि विभिन्न ब्रान्डले आफ्ना उत्पादन प्रभावकारी रूपमा प्रस्तुत गर्न, ग्राहकसँग सम्बन्ध विस्तार गर्न तथा उत्पादनलाई व्यवस्थित र आकर्षक ढंगले प्रदर्शन गर्न चुनौती सामना गरिरहेको अवस्थामा फेस्ट आयोजना गर्न लागिएको हो।
यसपटकको फेस्टमा विगतको भन्दा फरक अनुभव दिने तयारी गरिएको आयोजकको दाबी छ। विदेशमा रहेका नेपाली समुदाय तथा काठमाडौं बाहिरका दर्शकलाई समेत जोड्ने उद्देश्यले पहिलोपटक ‘डिजिटल फेस्ट’को अवधारणा अघि सारिएको छ।
डिजिटल फेस्टका लागि भृकुटीमण्डपमै छुट्टै मल्टिपर्पोज स्टुडियो निर्माण गरिनेछ। उक्त स्टुडियोमार्फत प्रदर्शनीमा सहभागी ब्रान्ड, कम्पनी तथा संस्थाले आफ्ना उत्पादन र सेवासम्बन्धी जानकारी तथा विज्ञापन प्रस्तुत गर्न सक्नेछन्। स्टुडियोबाट तयार हुने सामग्री राष्ट्रिय टेलिभिजन तथा आयोजकका सामाजिक सञ्जालमार्फत प्रत्यक्ष प्रसारण गर्ने व्यवस्था मिलाइने भएको छ।
आयोजकका अनुसार डिजिटल फेस्टको मुख्य उद्देश्य भौतिक प्रदर्शनीको पहुँचलाई काठमाडौंमा मात्र सीमित नराखी देशभर तथा अन्तर्राष्ट्रिय दर्शकसम्म पुर्याउनु हो। यसबाट नेपाली निर्माण सामग्री, उत्पादन तथा सेवाको व्यापक प्रवद्र्धनमा समेत सहयोग पुग्ने अपेक्षा गरिएको छ।
यस वर्षको फेस्टमा अघिल्लो संस्करणको तुलनामा स्टल संख्या बढाएर २०० भन्दा बढी पुर्याउने तयारी गरिएको छ। हालसम्म करिब ६० प्रतिशत स्टल बुकिङ भइसकेको घर निर्माण फाउन्डेसनले जनाएको छ। व्यवसायीको उत्साहजनक सहभागिताका कारण निर्धारित समयअगावै स्टल बुकिङ उल्लेख्य रूपमा अघि बढेको आयोजकको भनाइ छ।
गत पुस १२ देखि १५ गतेसम्म काठमाडौंको भृकुटीमण्डपमा सम्पन्न राष्ट्रिय घर निर्माण फेस्ट–२०८२ को दोस्रो संस्करणमा ६० हजारभन्दा बढी दर्शकले अवलोकन गरेका थिए। उक्त संस्करणमा १५० भन्दा बढी स्टल राखिएका थिए।
यसपटकको फेस्टमा घर निर्माणको योजना बनाइरहेका सर्वसाधारणदेखि निर्माण व्यवसायी, इन्जिनियर, आर्किटेक्ट, विद्यार्थी तथा निर्माण क्षेत्रका विभिन्न सरोकारवालालाई एउटै प्लेटफर्ममा ल्याउने लक्ष्य राखिएको छ।
आयोजकले नयाँ स्वरूपमा आयोजना गर्न लागिएको फेस्टमा दर्शकको संख्या उल्लेख्य रूपमा वृद्धि हुने अपेक्षा गरेको छ। साथै, फेस्टमा हुने कारोबार ४ अर्ब रुपैयाँभन्दा बढी पुर्याउने लक्ष्य राखिएको छ।
घर निर्माणका लागि आवश्यक निर्माण सामग्री, प्रविधि तथा सेवाबारे एकै स्थानबाट जानकारी उपलब्ध गराउने उद्देश्यले आयोजना गर्न लागिएको फेस्टमा ट्राइनोक्स ग्लोबलले समेत सहकार्य गरेको छ। फेस्टले निर्माण सामग्री उत्पादक, व्यवसायी र उपभोक्ताबीच प्रत्यक्ष सम्बन्ध स्थापित गर्ने अपेक्षा गरिएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
