सेतो खबर
काठमाडौं । कामना सेवा विकास बैंक लिमिटेडले आफ्ना ग्राहकलाई नेपाल सरकार, अर्थ मन्त्रालयअन्तर्गत आन्तरिक राजस्व विभागद्वारा सञ्चालन भइरहेको ‘करदाता प्रोत्साहन उपहार कार्यक्रम’ मा सहज रूपमा सहभागी गराउने उद्देश्यले मोबाइल बैंकिङमार्फत डिजिटल भुक्तानी सुविधालाई कार्यक्रमसँग जोडेको छ।
कामना सेवा विकास बैंकको मोबाइल बैंकिङमार्फत मर्चेन्ट क्यूआरमा भुक्तानी गर्दा योग्य कारोबार स्वतः लक्की ड्रमा समावेश हुने व्यवस्था गरिएको बैंकले जनाएको छ। यसका लागि ग्राहकले छुट्टै कारोबार दर्ता वा अपलोड गर्नुपर्ने छैन। ग्राहकले मोबाइल बैंकिङ एपमार्फत आफ्ना योग्य कारोबारको संख्या तथा विवरणसमेत हेर्न सक्नेछन्।
आन्तरिक राजस्व विभागले सञ्चालन गरेको कार्यक्रममा योग्य कारोबारमध्येबाट नियमित लक्की ड्रमार्फत प्रत्येक दिन एक जना विजेतालाई कर कट्टीपश्चात १ लाख रुपैयाँ तथा प्रत्येक १५ दिनमा एक जना बम्पर विजेतालाई १० लाख रुपैयाँ पुरस्कार प्रदान गर्ने व्यवस्था गरिएको छ।
बैंकले ग्राहकहरूलाई १०० रुपैयाँभन्दा बढीको खरिदमा डिजिटल भुक्तानी गर्न, प्यान/भ्याट बिल लिन तथा सुरक्षित राख्न र आफ्ना योग्य कारोबारको विवरण नियमित रूपमा जाँच गर्न आग्रह गरेको छ।
डिजिटल भुक्तानीलाई प्रोत्साहन गर्दै कर प्रणालीमा नागरिकको सहभागिता बढाउने उद्देश्यले सञ्चालन गरिएको यस कार्यक्रमले ग्राहकलाई सहज रूपमा सहभागी गराउनुका साथै डिजिटल कारोबारको विस्तारमा समेत योगदान पुग्ने बैंकको विश्वास छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
