सेतो खबर
काठमाडौं । आईएमई लाइफ इन्स्योरेन्स कम्पनी लिमिटेडले आफ्नो इश्युअर रेटिङमा उल्लेखनीय सफलता हासिल गरेको छ। CARE Ratings Nepal Limited ले कम्पनीको अघिल्लो CARE–NP BBB+ रेटिङलाई स्तरोन्नति गर्दै CARE–NP A– प्रदान गरेको छ।
कम्पनीका अनुसार यो स्तरोन्नति सुदृढ वित्तीय अवस्था, प्रभावकारी जोखिम व्यवस्थापन, सुधारोन्मुख व्यावसायिक कार्यसम्पादन तथा संस्थागत सुशासनप्रतिको प्रतिबद्धताको परिणाम हो। बीमित तथा अन्य सरोकारवालाप्रति निरन्तर विश्वास कायम गर्न सफल भएकाले कम्पनीले उच्च मूल्याङ्कन प्राप्त गरेको जनाएको छ।
CARE–NP A– रेटिङले कम्पनीसँग आफ्ना वित्तीय दायित्वहरू समयमै पूरा गर्ने पर्याप्त क्षमता रहेको तथा अघिल्लो मूल्याङ्कनको तुलनामा अझ सुदृढ र विश्वसनीय संस्थाका रूपमा स्थापित भएको संकेत गर्दछ।
कम्पनी व्यवस्थापनले उक्त उपलब्धि सम्पूर्ण सरोकारवालाको विश्वास, सहयोग र प्रतिबद्धताको प्रतिफल भएको उल्लेख गर्दै आगामी दिनमा ग्राहक सेवा, संस्थागत सुशासन, नवप्रवर्तन तथा दीर्घकालीन वित्तीय स्थायित्वलाई थप मजबुत बनाउँदै लैजाने प्रतिबद्धता व्यक्त गरेको छ।
“Ensuring Future” भन्ने मूल नारालाई आत्मसात् गर्दै स्थापना भएको आईएमई लाइफ नेपालका अग्रणी जीवन बीमा कम्पनीहरूमध्ये एक हो। कम्पनीले विभिन्न जीवन बीमा योजनामार्फत व्यक्ति तथा परिवारको आर्थिक सुरक्षा, बचत र भविष्य सुनिश्चित गर्न सेवा प्रदान गर्दै आएको छ।
देशव्यापी शाखा तथा उपशाखा सञ्जालसँगै हजारौं अभिकर्तामार्फत सेवा विस्तार गरेको कम्पनीले ग्राहक केन्द्रित सेवा, डिजिटल प्रविधिको प्रयोग, जिम्मेवार लगानी व्यवस्थापन तथा नवीन बीमा समाधानमार्फत नेपाली बीमा क्षेत्रमा आफ्नो छुट्टै पहिचान स्थापित गरेको जनाएको छ।
व्यावसायिक गतिविधिसँगै आईएमई लाइफले स्वास्थ्य, शिक्षा, वित्तीय साक्षरता, सामुदायिक विकास तथा सामाजिक उत्थानका क्षेत्रमा विभिन्न संस्थागत सामाजिक उत्तरदायित्वका कार्यक्रम सञ्चालन गर्दै आएको छ। कम्पनीले CARE–NP A– रेटिङ प्राप्त गर्नु केवल उपलब्धि मात्र नभई अझ उत्कृष्ट सेवा, उच्च व्यावसायिक मापदण्ड र वित्तीय सुदृढताप्रति थप जिम्मेवार बन्ने प्रेरणा भएको उल्लेख गर्दै आगामी दिनमा पनि बीमितहरूको भविष्य सुरक्षित गर्दै नेपालको बीमा क्षेत्रको विकासमा महत्वपूर्ण योगदान पुर्याउने विश्वास व्यक्त गरेको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
