सेतो खबर
काठमाडौं । सिटी एक्सप्रेस मनि ट्रान्सफर र भक्तराज आचार्य संगीत प्रतिष्ठानको संयुक्त सहकार्यमा आयोजित ‘भक्तराज आचार्य राष्ट्रिय संगीत सम्मान २०८२’ समारोह शनिबार (जेठ २४) कुपण्डोलस्थित होटल हिमालयमा सम्पन्न भएको छ। समारोहमा नेपाली संगीत क्षेत्रका दुई विशिष्ट व्यक्तित्व वरिष्ठ गायिका मीरा राणा र वरिष्ठ संगीतकार सी.के. रसाइलीलाई जनही एक लाख एक रुपैयाँ नगदसहित सम्मान प्रदान गरिएको छ।
सम्मान ग्रहणपछि वरिष्ठ गायिका मीरा राणाले आफू क्यान्सरमुक्त जीवन बिताइरहेकी क्यान्सर सर्भाइभर भएको उल्लेख गर्दै प्राप्त नगद पुरस्कार रकम क्यान्सर समाजलाई हस्तान्तरण गरेकी छन्। क्यान्सर रोगबाट पीडित कलाकारहरूलाई सहयोग पुर्याउने उद्देश्यले हालै स्थापना गरिएको क्यान्सर समाजलाई सहयोग स्वरूप उक्त रकम प्रदान गरिएको उनले जानकारी दिइन्।
त्यसैगरी, ‘सुशीला आचार्य सु–स्वास्थ्य कामना सम्मान’ वरिष्ठ संगीतकार तथा गितारवादक दीपक थापा र अभिनेता पवन मैनालीलाई प्रदान गरिएको छ। ५० हजार रुपैयाँ राशिको उक्त सम्मान स्वास्थ्य उपचाररत तथा सांगीतिक क्षेत्रमा सक्रिय संगीतकर्मीहरूलाई प्रोत्साहनस्वरूप प्रदान गर्दै आइएको प्रतिष्ठानले जनाएको छ।
भक्तराज आचार्य संगीत प्रतिष्ठानकी अध्यक्ष सुशीला आचार्य र सिटी एक्सप्रेस मनि ट्रान्सफरका संस्थापक चन्द्र टण्डनले संयुक्त रूपमा सम्मान प्रदान गरेका थिए। प्रतिष्ठानले नेपाली संगीत तथा कला क्षेत्रमा योगदान पुर्याउँदै आएको छ भने सिटी एक्सप्रेसले आफ्नो सामाजिक उत्तरदायित्वअन्तर्गत प्रतिष्ठानका गतिविधिमा निरन्तर सहकार्य गर्दै आएको जनाएको छ।
रेमिट्यान्स क्षेत्रमा विगत १९ वर्षदेखि सक्रिय सिटी एक्सप्रेस मनि ट्रान्सफरले विश्वका विभिन्न मुलुकबाट विप्रेषण सेवा प्रदान गर्दै आइरहेको छ। कम्पनीले हालै ‘सिटी पे’ वालेटमार्फत अनलाइन भुक्तानी सेवा सुरु गरेको छ। साथै, सिटी पेमार्फत रेमिट्यान्स भुक्तानी सुविधा पनि उपलब्ध रहेको कम्पनीले जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
