सेतो खबर
पोखरा । प्लाटिनम-स्तरको ACCA प्रदायक संस्था ब्रिटिश प्रोफेशनल कलेज (BPC), काठमाडौंले ACCA सँगको सहकार्यमा पोखरामा “IFRS र NFRS सम्बन्धी एकाउन्टिङ शिक्षक कार्यशाला” आयोजना गर्ने भएको छ।
ब्रिटिश एजुकेशन ग्रुप (BEG) अन्तर्गत सञ्चालित BPC ले गण्डकी प्रदेशका स्थानीय शिक्षकहरूलाई अन्तर्राष्ट्रिय तथा राष्ट्रिय वित्तीय प्रतिवेदन मापदण्डसम्बन्धी ज्ञान र दक्षता अभिवृद्धि गर्ने उद्देश्यले उक्त कार्यक्रम आयोजना गर्न लागेको जनाएको छ।
कार्यशाला आगामी जुन ६, २०२६ मा पोखरा इभेन्ट सेन्टरस्थित सगरमाथा हलमा बिहान ९ः३० बजेदेखि बेलुका ५ः३० बजेसम्म सञ्चालन हुनेछ। कार्यक्रममा विशेषगरी उच्च माध्यमिक तहमा एकाउन्ट तथा वित्त विषय अध्यापन गर्ने शिक्षकहरूलाई लक्षित गरिएको छ।
कार्यक्रममा IFRS, NFRS, समकालीन एकाउन्टिङ अभ्यास तथा वित्तीय शिक्षाका नयाँ प्रवृत्तिबारे प्राविधिक प्रशिक्षण प्रदान गरिने आयोजकले जनाएको छ। कार्यशालाको प्राविधिक सत्र FCCA बिक्रान्त आचार्यले सञ्चालन गर्नेछन्।
आयोजकका अनुसार कार्यक्रमले शिक्षकहरूको प्राविधिक क्षमता विकास गर्नुका साथै अनुभव आदानप्रदान, नेटवर्किङ तथा शैक्षिक सहकार्यलाई समेत प्रोत्साहन गर्नेछ।
ब्रिटिश एजुकेशन ग्रुपका प्रोफेशनल एजुकेशन प्रमुख दिपेन्द्र के श्रेष्ठले व्यावसायिक शिक्षालाई अन्तर्राष्ट्रिय मापदण्डसँग जोड्ने उद्देश्यले यस्तो कार्यक्रम आयोजना गरिएको बताए।
उनले भने, “प्लाटिनम-स्तरको प्रदायकका रूपमा BPC/BEG व्यावसायिक शिक्षामा उत्कृष्टता कायम गर्न प्रतिबद्ध छ। यस कार्यशालाले शिक्षकहरूलाई विश्वस्तरीय प्रशिक्षण प्रदान गर्दै कक्षाकोठाको शिक्षालाई उद्योगको आवश्यकतासँग जोड्न सहयोग गर्नेछ।”
ब्रिटिश प्रोफेशनल कलेज ACCA तथा व्यावसायिक एकाउन्टेन्सी शिक्षामा गुणस्तरीय शिक्षा प्रदान गर्ने अग्रणी संस्थामध्ये एक हो। काठमाडौँ तथा पोखरामा सञ्चालनमा रहेको कलेजले विद्यार्थी र शिक्षकहरूलाई लेखा, वित्त तथा व्यवसाय क्षेत्रमा अन्तर्राष्ट्रियस्तरको शैक्षिक अवसर प्रदान गर्दै आएको जनाएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
