अमेरिका-इजरायली आक्रमणमा इरानका रक्षामन्त्री र सेना प्रमुखको मृत्यु

तेहरान – इरानको आधिकारिक समाचार एजेन्सी इस्लामिक रिपब्लिक न्यूज एजेन्सी (IRNA) का अनुसार, अमेरिका र इजरायलको संयुक्त आक्रमणमा इरानका रक्षामन्त्री अजिज नासिरजादेह र सेना प्रमुख अब्दुलरहिम मौसावीको मृत्यु भएको छ। शनिबार भएको भनिएको आक्रमणमा अन्य शीर्ष सैन्य कमाण्डरहरू पनि मारिएका छन्।

IRN ले सार्वजनिक गरेको प्रारम्भिक विवरण अनुसार, आक्रमणले इरानको महत्त्वपूर्ण सुरक्षा र सैन्य संरचनाहरूलाई लक्षित गरेको थियो। मारियाका अन्य कमाण्डरहरूको नाम र विवरण क्रमशः सार्वजनिक गरिएको बताइएको छ।

यसअघि, इरानका सर्वोच्च नेता अली खामेनी, उनका सुरक्षा सल्लाहकार अली शामखानी र इस्लामिक रिभोलुसनरी गार्ड कोर्प्स (IRGC) का प्रमुख मोहम्मद पाकपुरले आक्रमणको पुष्टि गरेका छन्।

इरानको संविधान अनुसार, यदि सर्वोच्च नेताको पद रिक्त भयो भने, देश सञ्चालनको जिम्मेवारी लिन अस्थायी परिषद्को प्रावधान छ। परिषद्मा राष्ट्रपति मसूद पेजेश्कियान, सर्वोच्च अदालतका प्रधानन्यायाधीश घोलाम-होसेन मोहसेनी-एजे’ई र एक धार्मिक नेता संरक्षक परिषद्का सदस्य रहेको बताइएको छ।

उक्त परिषद्ले सर्वोच्च नेता चयनको प्रक्रिया अगाडि बढाउने निर्णयको घोषणा गरेको इरानी मिडियाले जनाएको छ। घटनापछि मध्य पूर्व क्षेत्रमा तनाव बढ्ने अनुमान गरिएको छ र अन्तर्राष्ट्रिय समुदायले अवस्थाको बारेमा गम्भीर चिन्ता व्यक्त गरेको छ।