सेतो खबर
काठमाडौं । दि एसोसिएसन अफ अष्ट्रेलियन एजुकेशन रीप्रीजेन्टेटीभ इन नेपालको सातौँ वार्षिक साधारणसभा विशेष कार्यक्रम Impact Forum on Australian Education 2025 संगै सम्पन्न भएको छ। ललितपुरको पुल्चोकस्थित द प्लाजामा आयोजित यस कार्यक्रममा नेपाल र अष्ट्रेलियाका शिक्षाविद, युनिभर्सिटी रीप्रीजेन्टेटीभ, कूटनीतिज्ञ अनी विद्यार्थीबीच गहन छलफल भएको थियो।
कार्यक्रमको सञ्चालन सुहाना बुढाथोकीले गर्नुभएको थियो। सुरुवातमा नेपाल र अष्ट्रेलियाको राष्ट्रिय गान बजाइएको थियो। त्यसपछि AAERI Nepal का अध्यक्ष द्विराज शर्मा ले स्वागत मन्तव्य दिँदै नेपाल–अष्ट्रेलिया शिक्षा सम्बन्ध अझ प्रगाढ बनाउन यस्ता फोरम अत्यन्तै महत्त्वपूर्ण हुने उल्लेख गर्नुभयो।
पहिलो प्यानल छलफल “Sustaining the Student Recruitment Ecosystem in Nepal: Strategies for Collaboration, Compliance, and Market Diversification” विषयमा केन्द्रीत रहेको थियो। सो सत्रको संयोजन एरी नेपाल अध्यक्ष महेश बाबु तिमल्सिना ले गर्नुभएको थियो। छलफलमा सृष्टि भट्टराई (Navitas Group), अनुप श्रेष्ठ (University of Adelaide), सुभि प्रधान (Southern Cross University) र अल्कायत होसैन (Macquarie University) सहभागी भएका थिए।
विशेष सत्रमा ओट्टो डार्गन, CEO & Founder of Home Loan Expert (Australia) तथा Alaya (Nepal) ले “The Magic of Nepal plus the Experience of the World” शीर्षकमा विचार प्रस्तुत गरे। यसैबीच विक सिंह (Austrade) र जर्ज थिभेओस (Department of Education, Australia) ले भर्चुअल सन्देश पठाएका थिए।
दोस्रो प्यानल छलफल “Harnessing the Impact of Australian Education: The Role of Returning Nepali Graduates in Shaping Nepal’s Economic Future” विषयमा केन्द्रीत गरीएको थियो। संयोजक डा. पारस खरेल थिए भने प्यानलमा अभिषेक श्रेष्ठ (Barashingre, ICMS Graduate), डा. समीर दिक्षित (UoW/WSU Graduate), आरुश्री शर्मा (University of Sydney) र अश्लेशा कार्की (Mechi Crown Hotel, University of Melbourne) सहभागी भएका थिए।
कार्यक्रममा प्रमुख वक्ता डा. स्वर्णिम वाग्ले (सांसद) ले अष्ट्रेलियामा शिक्षा हासिल गरेका युवाहरूले नेपालको अर्थतन्त्र र नीति निर्माणमा पुर्याउन सक्ने योगदानबारे विस्तृत रूपमा विचार राख्नुभयो। प्रमुख अतिथि अष्ट्रेलियाकी नेपालस्थित एम्बेसडर लेआन जोन्सटनले द्विपक्षीय शिक्षा सम्बन्ध अझ मजबुत बनाउन कूटनीतिक र शैक्षिक सहकार्य अपरिहार्य रहेको उल्लेख गर्नुभयो।
अन्त्यमा AAERI Nepal का उपाध्यक्ष बुद्धि सागर अर्याल ले धन्यवाद ज्ञापन गर्दै औपचारिक सत्र सम्पन्न भएको घोषणा गर्नुभयो।
यस कार्यक्रमलाई सफल बनाउन NIB, IDP IELTS, Nabil Bank, Nepal SBI Bank, Pearson PTE, Siddhartha Bank, Prabhu Bank, Neco Insurance Ltd., Alfa Care Diagnostic Center र Jupiter Media ले विशेष सहयोग गरेका थिए।
समृद्ध विचार, बहुआयामिक सहभागिता अनी सक्रिय छलफलसहित सम्पन्न Impact Forum on Australian Education 2025 ले नेपाल–अष्ट्रेलिया शिक्षा सम्बन्धलाई अझ मजबुत बनाउन महत्त्वपूर्ण योगदान पुर्याएको देखिएको छ।
काठमाडौं । स्पेनले अर्जेन्टिनालाई १–० ले पराजित गर्दै सन् २०२६ को फिफा विश्वकपको उपाधि जितेपछि विश्व फुटबलमा युवा स्टार लामिन यामाल सबैभन्दा बढी चर्चामा रहे। फाइनलमा... विस्तृतमा
